Anna Vala-litla stelpan með sleifina

2007-04-02T17:21:00.001+02:00

Ég er farin yfir á einveil.blog.is nenni þessu ekki lengur.....
Gamla efnið verður aðgengilegt hér enn allt nýtt á blog : )

Sjáumst þar !!!!
Kveðja,
Anna Vala

2007-03-25T20:53:00.000+02:00

Þar sem hægt er að slappa af....
Kaupmannahöfn er æðisleg borg engin New York enn samt er eitthvað sem toppar hana ? Í kóngsins Köben er í lagi að sötra bjór hvar sem er og hvenær sem er. Hún er falleg, notaleg og svolítið íslensk. Maður getur rölt um og sagt Ísland á þetta og þetta og þetta....Enn svo er alltaf spurningin hvað það er að eiga osfrv og hver á hvern fyrir rest. Svo má auðvitað heyra íslenskuna í Hennes og Mauritz ef maður er að sálast úr heimþrá ja eða koma við á Mc Donalds.
Þessi borg minnir mig þó alltaf rosalega á á góða vinkonu mína sem að ég fór með þarna í fyrsta skipti, þess vegna er þetta svolítil Annýar borg. Það var bara alger snilld utan við að við vorum akkúrat á tímaskiptum. Þannig að í miðjum strætó vorum við allt í einu búnar að tapa einni klst he he. Það VARÐ fyndið stuttu síðar.
Síðast þegar að ég fór til Kaupmannahafnar fór ég með Tótu og Sollu systur hennar. Ég hitti þær á föstudegi og það var tekið strike beint á barinn. Drukkið öl, farið á flottustu matsölustaðina og hlegið út í eitt, ja svo má ekki gleyma Jagermaster sem drekka má við öllum meinum eins og ofáti og þynnku. Og já það virkar í öllum tilfellum Tótan mín þekkir lífið og hvað virkar best þó að hún hafi klikkað á að dansa við mig til 06. Ég fann aðra til þeirra hluta. Hressa íra og nokkra dani sem dönsuðu villtan dans við stelpuna fram eftir nóttu. Ekkert stress bara bjór og góður félagsskapur. Lentum ekkert í óeirðalögreglunni né fengum táragas í augun. Skildum ekki alveg þennan æsifréttaflutning að heiman um að allt væri að verða crazy við Norðurbrú. Og eftir dans við íra-sem að fengu nota bene óeirðalögregluna til sín, daður við lífið og tilveruna, ofverslun í Sænsku aðalbúllunni, einni ljósakrónu seinna, einu írsku símanúmeri, brunch á Kaffe Norden og kveðjukossum var ferðinni lokið. Stelpurnar fóru heim og ég fór á fund. Tíminn hreinlega líður of hratt í svona ferð. Þarf augljóslega að fara oftar erlendis: )

Kossar
Anna

2007-03-08T15:27:00.000+01:00

Alþjóðlegur baráttudagur kvenna....
Er í dag.....stelpur-konur til hamingju með daginn, eða kannski ekki er ekki ógisslega púkó að vera feministi eða kvennréttindakona. Felum við okkur ekki inn í skáp með það eins og annað ? Veit fólk t.d hvað feministi er ? Það er orð yfir karl eða konu sem veit að jafnrétti kynjanna hefur ekki verið náð. Og geti þið mörg þarna úti sagt að því sé náð? Er eðlilegt að konur hafi lægri laun enn karlar. Segiði Já við því og kallið ykkur ekki feminista.

Til hamingju aftur
kv Anna

2007-03-01T22:48:00.000+01:00

Copenhagen.....
Ooohh hvað það er langt síðan ég hef farið út með vinum mínum enn það er ég einmitt að fara að gera eftir eins og 12. klst. Köben skal það vera. Hlakka til að eyða stund með góðum vinum, drekka öl og skoða strákana he he. Sit heima og reyni að pakka. Samkv. Tótu minni er ekki mikill snjór og ég get verið á gullskónum. Ef að ég á að vera á gullskónum....þá getur ekki verið snjór. Spurning samt hverju maður á að klæðast þegar að maður skellir sér í óeirðirnar. Ha smá táragás og stemmning. Víst allt logandi í Norðurbrú samkv mbl.is...."Talsmaður dönsku lögreglunnar sagði um hálf sjöleytið í kvöld að íslenskum tíma að hún hefði „tiltölulega góð tök á ástandinu“ á Norðurbrú, „en maður veit þó aldrei“. Um eitt þúsund ungmenni réðust gegn lögreglunni í kvöld með grjóti, flöskum, málningadósum og flugeldum. Reist voru götuvígi, eldar kveiktir og bílum velt."

Einmitt gott ástand he he

Farin til Köben gott fólk eða....allavega að klára bjórinn sem ég er byrjuð á

2007-02-27T09:19:00.000+01:00

StjörnuspáÞeir sem að þekkja stelpuna vita kannski að hún er ljón þ.e stjörnumerkið. Aðalgrínið hjá vinnufélaga mínum þessa dagana er að ég semji stjörnuspá moggans sjálf he he.

Ansi oft undanfarna daga hefur hún átt einkar vel við mig. Reyndar bara moggaspáin ekki skemmtileg ársspá Séð og heyrt þar sem að ég á að eiga í sambandi við ríkan giftan mann á árinu....kannski það sé eftir.

Spáin mín í dag er svona. Er þetta ég ?

"Þú ert vinur þeirra sem enga vini eiga. Opnar heimili þitt þeim sem eru á götunni. Gefur peninga þeim sem það þurfa. Tekur þessi eilífa hjálparstarfsemi aldrei enda? Hún gerir það í eftirmiðdaginn þegar einhver hjálpar þér. Núna getur þú æft þig í að þiggja"

Later fólks

Anna

2007-02-25T22:46:00.000+01:00

Car number two......

Ég á nýjan bíl....VEI. Annað skiptið í þessum mánuði. Hvað skeður næst hjá kellunni? Fylgist spennt með. Hann er nú keyrður 113 km hvað ætli hann endist lengi hmmm?? Allavega sel ég Golfinn ekki fyrr enn þessi nýji bíll hefur verið keyrður 1000 km....better be safe sko. Annars nýjasta nýtt, fór á Food and fun um helgina eitthvað sem að mér finnst bara æðislegt. Bíð alltaf spennt eftir þessari matarhátíð. Við fórum tvö og áttum líka þetta yndislega kvöld á Vox. Geggjaður matur og þjónustan frábær-vorum reyndar farin að rugla í þjóninum og svona. Gátum ekki verið alvarleg þegar hún kom he he. Date ið mitt var á því að þessi stelpa væri svo hress að þetta væri ábyggilega systir mín he he he. Þess má geta að kokkurinn sem var að matreiða ofan í okkur vann einmitt Food and fun keppnina í ár, bara kúl. P.s hann var finnskur....ha finnarnir klikka ekki. Bla er maður með rugluna eða hvað á sunnudagskvöldi. Afhverju er ég t.d að blogga ? Afhverju er ég ekki að læra? Einbeitingaskortur eða mikill athyglisbrestur hrjáir mig eða hvað þetta allt heitir. Er ég kannski eftir mig eftir Sálarballið í gær með Stebba vini mínum ?
Hey svo var Rósa mín í tv inu um helgina í þættinum með Jóni Ólafs. Söngkonan í Helga og hljóðfæraleikurunm....hvet ykkur til að skoða það
á ruv.is. Hún er æði á eftir að ná langt þessi gullmoli

Farin að glápa á Boston Legal

2007-02-22T09:22:00.000+01:00

Akademískt korter......

Hverjum datt það í hug? Af hverju er það bara í lagi að mæta of seint? Ja allavega á Íslandi. Ég er yfirleitt þekkt fyrir að mæta á slaginu. Maður bara skipuleggur sig þannig að maður sé á réttum tíma. Óþolandi óvirðing að eyða svo tíma sínum í að bíða eftir hinum sem að dettur í hug að mæta korteri of seint eða síðar. Enn tuði dagsins er lokið....þið takið þetta til ykkar sem eigið.
Annars er þetta hætt að vera dagbók hjá mér er meira orðin vikubók eða mánaðarbók. Tíminn hreinlega æðir áfram. Kíkti aðeins til Stokkhólms í síðustu viku. Náði þar að hitta hana Önnu, stelpu sem ég var svo ljónheppin að hitta í Kiljava sl haust. Drukkum nokkra öllara og hringdum í strákana til að tjá þeim hversu annars óheppnir þeir væru að vera ekki þarna með okkur. Náði svo að versla í H&M á núll einni eins og maður segir. Snillingur í að eyða þar. Prísinn er bara svo góður og svo vantar mig alltaf eitthvað hmmmm....á ekki nema ca 20 pils 10 kjóla osfrv....ekki vill fólk að ég sé nakin.

Takk í bili og ég segi bara klöppum fyrir stelpunni sem að náði að eyðileggja bíl eftir 770km .........

Love Anna

2007-02-07T14:51:00.000+01:00

Hugleiðing dagsins
Mér finnst eins og það hafi verið í gær sem að ég ákvað að flytja í bæinn og læra kokkinn....enn nei það eru að verða liðin 8 ár VÁ. Hvað var ég að spá ? Jú mig langaði að læra að verða matreiðslumaður og það fór ég og gerði. Reyndar á þrjóskunni þar sem að ekki voru allir á eitt sáttir að stelpuflónið ætlaði að flytja að heiman 16. ára. Já þrjóskan hjálpar stundum þó að þetta hafi líka stundum verið einmannalegt....ég þekkti jú engan í Reykjavík nema bróður mömmu og hans fjölskyldu.
Ekki í eina mínútu hef ég samt séð eftir því að hafa farið þessa leið þó að oft hafi vegurinn ekki verið eins og hann átti að vera. Það er enginn sem segir að þó maður læri eitt að maður geri ekki annað. Um það eru mýmörg dæmi sem óþarft er að telja upp. Margir eiga erfitt með að skilja af hverju ég vinn ekki við það. Einn af þeim sem á erfitt með að skilja það er hann afi minn. Blessaður kallinn, ekki nóg með að ég hafi lært kokkinn og vinni síðan fyrir stéttarfélag og sé ekkert menntuð í því og hitt að ég búi með homma. Það er held ég erfiðara fyrir hann, hann bara skilur þetta ekki. Þessi kynslóð er ekki alin upp við þessi breyttu mynd af lífinu. Já lífið er hreint ekki alltaf eins maður sá það fyrir sér. Held að það sé eiginlega skemmtilegra. Þegar að ég var yngri og með mínar hugmyndir sá ég t.d ekki fyrir mér að stundir eins og Despó/Grey kvöld með Gulla, sakleysislegar heimsóknir frá yndislegum nágrönnum, spjall í saumaklúbbnum ofl væri það sem að gæfi lífinu mest gildi. Í þessari viku hef ég farið 2x út að borða með sitt hvorri æðislegri vinkonu minni. Vá hvað ég er heppin. Það má guð vita að ekki sá ég allt þetta yndislega fólk í kringum mig þegar að ég spáði í framtíðina.

Later góða fólk
Anna panna

2007-01-28T18:57:00.000+01:00

Veikindablogg

Hvað er þetta með skrif. Maður ætlar að henda einhverju á blað og þá kemur ekkert þó hausinn hafi áður verið fullur af hugmyndum? Þessi vika er búin að vera frekar leiðinleg. Er nú vön að reyna að fókusa á það góða enn Vá hvað það er erfitt að finna eitthvað jákvætt yfir því að hanga veik heima svo að ég tali nú ekki um meðan að nýr bíll bíður eftir manni í umboðinu. Þessi elska búin að bíða eftir mömmu sinni í 4.daga. Enn hann er æðislegur og heilsast móður og barni vel.
Var orðin svo sýrð af sjónvarpsglápi í vikunni að mig dreymdi að ég væri á leið í hjartaaðgerð hjá Dr Burke (Þetta skilja þeir sem hafa séð Grey). Já manni er ekki viðbjargandi : )

Svo það jákvæða þessa viku.....
-komin í þriðju seríu af Grey Anatomy og aðalparið orðið par aftur (góður endir á veikindalegu)
-var einungis með inflúensuna ekkert sem drepur mann.
-fékk símtal frá sætum strák á meðan á veikindunum stóð
-var búin að skúra þegar að ég veiktist svo ég gat legið kyrr í staðinn fyrir að glápa á rykið og grípa jafnvel í einhverju æði til moppunnar.
-átti til nóg af Grand Marnier.
Annars stefnir í bilaða viku núna. Gæti þurft að vinna smá og fylgjast með í skólanum. Svo er það sumarið hvað á ég að gera? Indland, Thailand, enskuskóla einhversstaðar, finna mér bara kall til að kela við í rigningu í Vaglaskógi, vinna í sumarfríinu eins og töff íslendingar gera og hreykja sér af því að hafa bara sko aldrei á ævinni tekið frí?
Hjálpa mér fólk.....

Farin að borða pizzu með sambýlingnum
Anna Italiana

2007-01-21T20:50:00.000+01:00

Sunnudagsblogg...

Þessi 3 sunnudagur í janúar er búin að vera svona líka fínn bara ja að undanskildu tapi íslenska karlalandsliðsins. Fór á þorrablót í gær til frænda míns. Man ekki hvenær ég fór á slíkt síðast....aldrei verið neitt ofurspennt yfir súrum pungum og súrum hvali. Enn þetta var mjög fínt borðaði allt það ósúra ásamt nýjum hlut sem var djúpsteikt slátur. Já uppfinningasemin er til á fleiri bæjum enn mínum. Þetta var reyndar alveg merkilega gott. Æðislegur félagssakapur líka. Takk frændfólk. Öllu þessu var síðan skolað niður með bjór og Brennivíni:)
Þessi dagur er líka flottur búin að
-skúra heima
-þrífa helv....sameignina heheh
-skoða ferðir fyrir sumarið
-fór í heilun
-las bók
-horfði á Grey Anatomy og grét smá
-bakaði brauð fyrir litlu fjölskylduna

Nokkuð gott dagsverk.

Knús Anna panna

2007-01-18T12:25:00.000+01:00

Vegna fjölda áskorana.....má hér sjá eina mynd frá laugardagskvöldinu góða : )
Við Eygerður tökum að okkur að syngja með hvaða hljómsveit sem er....kunnum flest lög.

Yfir og út
Anna panna

2007-01-16T21:52:00.000+01:00

"Vinur er sá sem skilur fortíð þína.
Trúir á framtíð þína og tekur þér eins og þú ert í dag."

2007-01-15T19:10:00.000+01:00

Skítþunn.is
Nýtt ár hefur farið svona líka vel með mig....ja nema kannski síðasti sunnudagur. Ég er allavega hætt að grobba mig af því að vera ekki þunn. Þynnkan helltist yfir mig í öllu sínu veldi á sunnudaginn. Gat varla komist frá sófanum. Skrapp reyndar á KFC enn heilsan leyfði ekki mikið meira. ARGS er ekki alveg sátt með þetta. Einhver ráð...ekki hætti ég að drekka. Eins og einn kunningi minn sagði, það drepast bara heilafrumur sem voru aumar fyrir. Hinar sterku lifa af. Svo er áfengi bara hollt í alla aðra staði. Skoðiði bara allar rannsóknir á mbl.is : ). Ekki það að þynnkan er kannski skárri enn myndirnar af mér á Hressó að syngja með hljómsveitinni. Hvernig í ansanum mér datt það í hug veit ég ekki....hef grunsemdir um að þetta sé Eygerði að kenna eða Tópasinum já Jónínu.
Skólinn er að byrja. Strax komið loforð um eina 10 bls ritgerð. Heppin ha ? Þetta legst bara vel í mig. Finnst ég bara heppin að fá að mennta mig. Það fá það ekki allir hmmm. Finnst að við íslendingar eigum að fara að líta á allt hið góða sem að við höfum og hætta að væla. Sumir eru bara sívælandi enn gera ekekrt í málinu. Finnst að allt eigi að hlaupa upp í hendurnar á þeim.....þetta var tuð dagsins.
Annars er allt gott úr Kópavoginum. Gulli er búinn að vingast svo við eina konuna í blokkinni að þau eru að hugsa um að nefna þvottahúsið eftir þeim. Svo teygja þau þvott saman og hún setur í þurkarann fyrir hana. Shit þetta er alger kommúna hérna.

Later

2007-01-07T14:17:00.000+01:00

El nýtt ár 2007 er komið......

Nýtt er er komið í loftið og jólunum lokið. Er að vissu leiti fegin að hversdagsleikinn er kominn við svona að mestu leiti, rjóminn og kjötið að fara af borðum. Fann fyrir breytingu í eldri borgara þann 2.jan þegar að ég með engu móti komst í betri skó sem að ég ætlaði í. Jebb svona er átið búið að vera. Stjörnuspá ársins mælir með því að ég dragi úr neyslu og að ég muni sjá rómantík í byrjun árs. Hvað er verið að tala um ? Efast stórlega um hvort tveggja. Held ég bara að ég kunni hvorugt. Við sambýlismaður minn erum hinsvegar búin að vera dugleg að henda dóti. Ég hljóma kannski skrítin enn að henda dóti er frábært, hafi þið prufað? Einhverjir hafa nefnt að gaman hefði verið að vera viðstaddur og nágranna okkar fannst ekkert drasl hjá okkur og vildi gjarnan fá hjálp. Kannski kominn titill á bók fyrir jólin og kennslumyndband. Hvernig á að henda og hverju ? Einnig gæti fylgt með flokkunardagur með okkur í Sorpu. Afar spennandi.
Svo var skaupið æðislegt, fólk sem að fannst það ekki fyndið ætti að koma í heimsókn til mín og fá útskýringar á bröndurunum. Svo er Magni bara skilinn, ha hvar endar þessi þjóð ? Ótrúlegt hvað þetta virðist skipta fólk máli. Greyið fólkið varð að gefa út yfirlýsingu eins og forsetinn um árið. Tilfinningalegt svigrúm og síðan fer það fjöllunum hærra að hann sem með Dilönu....ég spyr....er okkur ekki sama ? Er Magni orðinn okkar Britney Spears ?
Er að öðru leiti ekki búin að gera mikið á nýju ári nema að fara í ræktina og vinna. Var eitthvað að reyna að rifja upp árið enn hef ekki klárað það uppgjör.
Kemur kannski síðar.

Gleðilegt nýtt ár sykurpúðar

Anna Vala

2006-12-21T16:27:00.000+01:00

Jæja nú kemur að því færslan sem átti að koma fyrir löngu. Tíminn hefur bara liðið óeðlilega fljótt og búið að vera nóg að gera. Smá skreppitúr til Riga og jólapróf. Enn nú er öllu lokið og jólin nálgast. Mér finnst þessi mynd eitthvað svo jólaleg. Finnst hún lýsa þeirri friði og ró sem að jólin eiga að vera. Ekki það að mér finnst verslunaræðið vera að drekkja jólunum. Enn reyni að horfa franhjá því bara og brosa : ) Ég er nú svo mikið jólabarn. Hlakka alltaf jafnmikið til og skammast mín bara ekkert fyrir það. Vona að það fari aldrei af mér þessi fögnuður við að heyra jólalög og finna jólailm. Enn jólin koma nú aldrei alveg fyrr enn ég er komin norður í land til fjölskyldunnar. Búin að borða skötu með stórfjölskyldunni, kíkja í jólaglögg og knúsa vini mína. Hlakka óendanlega til að hitta litlu englana mína, leika hest, púsla, lita og fara í Lego.

Ég óska lesendum síðunnar gleðilegra jóla. Ekki gleyma jólabarninu innra með ykkur og gleðjist yfir því að vera heilsuhraust og eiga góða vini og fjölskyldu. Það ætla ég í það minnsta að gera.

Jólaknús
Anna panna

2006-12-05T20:12:00.000+01:00

New York heimaborg mín var heimsótt um þarsíðustu helgi.....ekki klikkaði borgin frekar enn fyrri daginn. Systir mín var reyndar gengin upp að hnjám og með verk í hverjum lið enn hverju skiptir það eftir að hafa augum litið Dinerinn minn

Empire state og Rockafeller center ohhh svo rómó að sjá fólk á skautum í miðri stórborg. Hefði átt að skella mér í staðinn fyrir að vera að knúsa jólasveina og hringja jólabjöllum: ) Maður spyr sig og þræða búðir í mestu örtröð sem að ég hef á ævi minni séð ekki datt mér í hug að Ameríkanar væru svona klikkaðir eftir Thanks giving enn jú greinilega. Þeir versla gjörsamlega af sér rassinn. Síðan var farið að borða á tveimur æðislegum stöðum á Asia de Cuba þar sem að hönnunnin er bara kúl á staðnum og maturinn æði. Þar eru án efa stæðstu skammtar sem að ég hef séð á A la carte stað og sætasti strákurinn sem að sást í ferðinni. Seinna fórum við á stað sem að heitir Nobu, japanskan stað í eigu Robert De Niro stórvinar míns heheh. Þar voru skammtarnir svo smáir að systir mín var farin að tala um að koma við á Mc Donalds á leiðinni heim.

Já og á sama stað og fordrykkurinn var með ávexti út í sem leit út eins og typpi í formalíni. Takk Guðbjörg fyrir að segja þetta í öðrum sopa drykksins.....hann varð sko ekki samur. Enn honum var skolað niður ásamt fleiru hehehe....

Heyrumst síðar
19.dagar til jóla

2006-11-22T21:06:00.000+01:00

I want to wake up in a city!!!!

New York á morgunn ekki laust við að það sé komin spenna í kellu. Ég ætla að reyna að kaupa jólagjafir þrátt fyrir að geta ekki hringt mikið í múttu he he. Man það eins og gerst hafi í gær þegar að ég hafði í gleði minni ákveðið að gefa systur minni og kærastanum hennar náttföt. Ekkert smá ánægð með það. Sagði móður minni glöð frá þessu. Mútta sagði mér það að kærustupar svæfi nú ekki í náttfötum. Nú spyr ég þig systir. Var þetta rétt....voru þið nakin !!!!!! Komin með umræðuefni yfir fyrsta Mojito í NY spurning hvað verður næsta umræðuefni. Lenti í spjalli um daginn um hvernig kynfræðslu fólk hefði fengið frá foreldrum sínum og hvort að það væri mismunandi milli systkyna. Kannski það verði rætt yfir nettum Cosmopolitan.
Það sem að ég segi fólk í sambúð he he. Kaupi ekki gjafir handa mörgum pörum svo þetta hlýtur að sleppa til : )

Sefur þú í náttfötum....
Anna panna

2006-11-18T09:39:00.000+01:00

Snjókorn falla á allt og alla....la la la Ég er eins og smábarn þegar að kemur að þessu jólastússi. Fann mér afsökun í þessum skítakulda 13 stiga frost á mæli. Ojbarasta. Enn ég fann leið. Fyrsta smákökusortin komin í ofninn. Eins og ég hafi nú gott af því enn....Þetta er gott fyrir gesti he he. Fátt meira kósý enn spjall yfir smákökum og mjólk:) Svo er það bara Ameríka eftir 5.daga. Þar hlýt ég nú að finna jóla-eitthvað ? Eða hvað ? Hlakka svo til að kaupa jólagjafir, fara út að borða og svona. Koma svo hingað heim í stressið með allt klárt. Dúlla mér bara á jólatónleikum, skrifa á kort og baka kökur:) Auðvitað verður Kata mín með mér sem að er búin að öllu he he. Kata mín þú ert flottust. Liggur við að þú toppir vinkonu mína hana Bree í Desperate houswifes. Annars stefnir bara í rólega helgi, kannski maður taki upp serírurnar. Ég meina sko ég verð svo þreytt þegar að ég kem að utan bla bla bla : )

Þarf að huga að kökunum

Síðar

2006-11-12T12:10:00.000+01:00

Hef munað fífill minn fegurri....
Já það hef ég sko gert hef undanfarna daga. Er svo slöpp og orkulaus. Er semsagt að breytast í löglegan aumingja. Má þakka fyrir að komast heim úr vinnunni algert rugl. Enn vona að læknirinn minn sem að ég held að sé feiminn við mig...enda varla mikið eldri enn ég finni út úr þessu. Eða kannski er hann bara að setja mig í test til að hitta mig sem oftast og sprauta einhverju drasli í mig....bla bla. Annars fer að styttast í New York...þangað fer kella eftir hvað 10.daga. VÁ þetta er svo fljótt að líða. Hlakka til að sýna systur minni borgina. Leyfa henni að upplifa NY, borða á flottum stöðum, eyða helling af peningum, drekka öl með mér og síðast enn ekki síst þá fær hún að kúra hjá mér heppin HA ?? Hér má sjá hótelið okkar Radisson SAS NY . Vona að það standist væntingar, held að annað sé ekki hægt he he. Annars bara allt ljúft. Ætla að fara að úða í mig ljúfu nýbökuðu bananabrauði nammi namm.

"Ef þér finnst þú þurfa að brosa, láttu það eftir þér"

knús Anna panna

2006-11-07T14:43:00.000+01:00

Röfl....

Er búin að finna vinnu sem mig langar ekki að vinna. Já það er gott þegar maður veit hvað maður vill ekki. Tollafgreiðsla hjá póstinum oojbara. Vorkenni þeim þvílíkt. Hlýtur að vera leiðinlegt. Ég hef meir að segja röflað þarna og VÁ allir hinir sem tuða. Þarna var fólk úr öllum stéttum samfélagsins að röfla yfir tollflokkum og hvað þetta væri dýrt. Versliði bara í Byko ef að þetta er eitthvað mál bla bla bla. Enn að öðru merkilegra þessi skemmtilegi kynjakvóti sem oft hefur komið til umræðu. Hversu hallærislegt og niðurlægjandi er það ? Viljum við konur fá sæti á þingi, vera ofarlega á lista flokks, vera í nefnd, ráði eða starfsmenn/yfirmenn einhversstaðar einungis af því að við erum konur ?
“Já Gunna er Sigtryggur sem var svo hæfur og gerði svo góða hluti hættur hjá ykkur ? “
-Já ég er kona og fékk því jobbið það vantaði konu hingað-. Þvílíkt skammarlegt. Ég held að við ættum frekar að einbeita okkur af því að koma okkur sjálfar á framfæri t.d í framboði fyrir lista. Vera það góðar, hæfileikaríkar og duglegar að fólk vilji kjósa okkur. Konur hafa t.d kosningarétt, afhverju kjósa þær konur ekki ? Eru konur konum verstar ? Eða eru bara ömurlegar og illa gefnar konur í framboði ? Á síðustu dögum hefur þetta eilítið verið rætt og heyrði ég formann eins flokksins væla yfir því að einhver tjelling hefði ekki komist inn í ákveðnum landshluta. Það væri svo slæmt bla bla bla. Uuuuu fólk vildi hana greinilega bara ekki punktur og pasta. Auðvitað þarf að vera jafnrétti og það fæst með því að sá sem að er hæfastur fái vinnuna eða komist á þing ekki með einhverjum kynjakvóta.

yfir og út
Anna panna

2006-11-03T11:31:00.000+01:00

Týpískt fyrir mig.... ath lesist með hreim....

Bank bank á hurð í blokk minni....
Gulli fer til dyra og kallar síðan....Anna samtal
Ég til dyra og þar er danska konan í blokkinni segir á sinni björguðu íslensku "lest þú nokkuð dönsku blöðin"
Anna: Uuuu nei (langaði mest að segja Já hún er svo krúttleg)
Sú Danska: Allt í lagi ég þá bara henda þeim. Er þetta nýji maðurinn þinn....augljóslega að tala um Gulla.
Anna: Uuuuu nei bara vinur minn sem að býr hérna.
Sú Danska:Oooooh það er bara svo langt síðan ég hef séð manninn þinn...
Anna: Uuuuu við erum hætt saman fyrir ári sko....
Sú danska: (talar áfram) Ohhh fannst einmitt svo langt síðan ég hef séð hann bla bla bla bla bla...
Anna: uuu já já svona er þetta.

Hrikalega langaði mig að hverfa ofan í teppið. Gott samt að grannarnir hugsa um mig :)

Góða helgi sykurpúðar

2006-11-01T00:20:00.000+01:00

Enn veik......
Já hefði betur verið heima bara síðustu daga. Ligg þess vegna veik aftur núna.
Deili því engu í dag nema þessu sæta myndbandi sem að mér var bent á....já af karlmanni. Þetta er ofurkrúttlegt.
http://www.metacafe.com/watch/153563/hallelujah/

Knús Anna panna

2006-10-29T21:10:00.000+01:00

Hefði betur þagað.....
Búin að vera veik síðan síðast, lít út eins og aularnir sem að misnota veikindadaga. (fólk sem að ætti að gefa veiðileyfi á) fór samt á ASÍ fund og í 60 ára afmæli. Er maður orðinn gamall þegar að maður fer í 60 ára afmæli sem að er ekki hjá ættingja eða ættingja kærastans ??? Ja ég bara spyr. Elska litla barnið mitt enn jafn mikið, það er bara æði. Sit reyndar núna og hlusta á Jón Gnarr í TV inu. Þeir sem ekki vita hver Jón er ....hættið að lesa núna og segið ekkert. Þetta er I-dolið mitt, einn besti skemmtikrafturinn. Er hægt að vera trúaður og skemmtilegur ? Magnað þegar að fólk reynir að troða öðru fólki í kassa.Vill að það sé svona eða hinsegin og ef að maður er skemmtilegur getur maður þá ekki verið alvarlegur ? Ef maður er leiðinlegur getur maður þá ekki verið barngóður ? Eins og ein góð vinkona mín sem að ég hitti um daginn sagði; "það virðist bara enginn geta trúað því að ég sé góður og strangur uppalandi af því að ég er hress og skemmtileg". Ja sumir myndu reyndar segja léttklikkuð he he. Enn mér finnst þetta svolítið rangt og getur verið særandi fyrir aðra. Helgin annars búin að vera notaleg og róleg. Skellti mér í bíó á mynd með Kevin Costner hann er bara fínn kallinn í þessari mynd The guardian...samt ekki eins sætur og í Bodyguard, hvað er að verða af mér annars. Bíó 1x í viku he he. Var síðan vakin í morgun í bananabrauð og amerískar pönnslur. Já ég bý með besta manni ever. Hann er æðislegur.

Nóg í bili...það er að byrja þáttur um íslenska einleikara, má ekki missa af því!!!!!!

2006-10-25T00:10:00.000+02:00

Barneignir, já allt getur skeð
Á leið í skólinn. Jólin byrja í Ikea....hmmm enn spennandi. Hver vill ekki hefja jólin þar ha ? Kannski borða þar forréttinn og opna einn pakka ? Bli....mig langar í IKEA ekki til að hitta jólin heldur til að versla óþarfa. Ekki það að ég komist neitt út á næstunni þar sem að ég hef eignast barn sem að ég þarf að hugsa mikið um. Já það tekur sko tíma að eiga krakka....það þarf að hlaða inn á hann. Tengja hann og slökkva og kveikja. Er búin að vera að gríanst með það að ég þurfi að fara að taka veikindadaga til að geta leikið við hann. Já stundum ætti ég að steinþegja bara. Því að núna er ég komin með 38 stiga hita og aumingjaskap. Stefni samt að því að fara í vinnu í fyrramálið. Hef engan tíma fyrir svona rugl. Farin að knúsa 320GB krúttið mitt.

p.s Rósa það var snilld að sjá þig smá um helgina : )

2006-10-22T23:12:00.000+02:00

Helgaruppgjör.....
Helgin er búin að vera svona líka fín. Hún Anný mín var hér og það var bara yndislegt. Gátum náð upp töpuðum þræði í spjalli og svona. Fórum út að borða í gærkveldi á veitingastaðnum Salt sem að er staðsettur í gamla einskipshúsinu í Reykjavík....semsagt veitingastaður á SAS hótelinu. Verð að viðurkenna að ég var svolítið stressuð þar sem að þessi staður hefur nú ekkert fengið neina rosa góða dóma. Ekki var fullt út úr dyrum enn maturinn var góður nammi namm kengúa, kálfakjöt og þjónustan mjög fín....allt gott nema desertseðillinn og því var hann snæddur á B5 í staðinn : ) Og eftir nokkra gin fór maður bara heim. Er svo mikill engill eða hvað ? Æ þetta var bara snilldarhelgi. Ekkert að gera nema að hugsa um rassinn á sér. Klára svona verkefni sem hafa setið þvílíkt á hakanum enn eru þó ekki aðkallandi. Æ kannsist þið ekki við þetta. Kaupa fjöltengi eða eitthvað álíka smottery....bli. Enn að öðru minna skemmtilegu þá er I-podinn minn náinn vinur minn að öllum líkindum dáin.

Já greyið litla er búin að fara í margar aðgerðir enn allt kemur fyrir ekki. Hann vill bara ekki lifa lengur. Pabbi hans hefur kíkt á hann enn ekkert virkar. Og hvernig er líf mitt án hans ? Já það er hrikalegt...hvernig á ég að geta farið í ræktina án hans ? Hvernig er hægt að lyfta ha....núna verð ég bara 3000 tonn útaf þessu. Hann hefur fylgt mér til ótal landa, flogið innanlands, svæft mig osfrv. Já lífið verður ekki samt án hans.

Legg til að þið hafið hljótt í eina mínútu til minningar um hann.....

Anna búin að skúra með nýju brúnsápunni kveður í bili

2006-10-20T13:06:00.000+02:00

Vinsamleg tilmæli.....

Ég veit er ég dey-svo verði ég grátinn,
þar verðurðu eflaust til taks.
En ætlirðu blómsveig að leggj'á mig látinn
-þá láttu mig fá hann strax.

Og mig- eins og aðra- sem afbragðsmenn deyja,
í annála skrásetur þú;
og hrós um mig ætlarðu sjálfsagt að segja,
en- segðu það heldur nú.

Og vilji menn þökk mínum verðleikum sýna,
þá verður það eflaust þú,
sem sjóð lætur stofna í minningu mína,
en- mér kæmi hann betur nú.

Og mannúðarduluna þekki ég þína,
sem þenurðu dánum í hag.
En ætlirðu að breiða yfir brestina mína,
-þá breidd' yfir þá í dag.

Er þetta ekki málið ??? Góða helgi...mín verður góð fæ að leika við Anný : )

2006-10-19T11:27:00.000+02:00

Bachelorette eða ekki....
Afhverju er ég ekki Bachelorette ? Ha maður spyr sig. Það er eðlilegt í sjónvarpinu að vera að date 2-3 Já eða bara 10 þeir jafnvel hittast yfir Bjór og pool. Já hvað er málið. Fínt að geta bara hey Gunni minn ég bara get ekki hitt þig á sunnudaginn....Á einstaklingsdate með Jóa. Ha svo grúpp date á mánudegi. Förum öll á KFC !!
Nei bara hugmynd fólki finnst þetta eðlilegt í sjónvarpinu. Ætli menn tækju illa í þetta. Er þetta kannski druslulegt?

Pælið í þessu....Yfir og út.

2006-10-18T01:27:00.000+02:00

Vetur og gaukur
Það er kominn vetur svei mér þá svona fyrsti almennilegi kuldinn. Búin að draga fram kápuna og lopavettlingana. Búin að labba úti í kuldanum og horfa á stjörnurnar. Fátt sem að er sætara í þessari veröld og rómantískt. Væri nú fínt að eiga kall að kúra hjá í þessum kulda. Einhvern til að reka ískaldar tærnar í, hlusta á hann veina og fá hann síðan til að knúsa sig auðvitað...það er það sem að þeir eiga að gera : ) Annars er skólinn bara fínn fyrsta faginu lokið með sóma. Allavega er ég sátt held að ég hafi endað með 9. Nú er bara að halda áfram,,,,mætti nú vera duglegri að lesa glósur. Mætti vera duglegri við margt enn verð að finna milliveginn . Maður getur ekki allt og kemst ekki yfir allt. Annað sem að er jákvætt er að ég er búin að finna gæludýr sem að ég myndi þola já heyr heyr....Anna sem að þolir ekki gæludýr, kettir rispa leðrið, ég er hrædd við hunda og er búin að drepa þá fiska sem inn á heimilið hafa komið he he. Já það er páfagaukur sem að hefur stolið hjarta mínu og ég held að hann elski mig. Jíiii afhverju fæ ég mér ekki fugl og þetta er ekkert venjulegur fugl heldur svona kvikindi sem getur talað. Ha gætum spjallað frameftir nóttu. Kannski ég fái að passa þennan. Bla bla. Já ég er dottin í ruglið. Ekki í fyrsta skipti. Er farin að sofa....soldið svekkt að enginn commenteraði á myndirnar úr ferðinni hmmm. Get ég til að mynda farið svona á djammið, ha svona máluð ???

"Nú er gagnslaust að velta vöngum yfir því sem þú ekki hefur. Hugsaðu heldur um hvað gera má úr því sem fyrir hendi er"

( ERNEST HEMINGWAY )

Síðar elskurnar

2006-10-11T21:45:00.000+02:00

Rassgatastaðir, Sóðalið, skeitstaðir what ever....
El sumarbústaður el æðislegar vinkonur og el frábær helgi....þvílík og önnur eins gargandi snilld. Vá hvað það var gaman. Held að ég sé ekki enn komin heim. Sífellt koma upp í huga minn moment frá helginni. Fórum t.d í ratleik þar sem að eitt að atriðunum fól í sér að við áttum að bæta við andlitsfarða á hverjum stað hmmm dæmi hver fyrir sig hversu æðislegt það var.

Einnig báru tvær manneskjur SÁÁ merkið þessa helgina....enn það ber sá sem að best stendur sig í að hella í sig. Ha skemmtilegur leikur. Svo var farið í axonary þar sem að Anna litla náði aðeins að misskilja var á fullu að leika kílómeter þegar að hún átti að vera að leika stromp já já ég var ekki drukkin : ) Sigga mín bannað að hlægja...því að meðan á þessu stóð varst þú að leika storm í stað stromps:) Fórum í óvissuferð þar sem að meðal annars var farið yfir Jökulsá eystari í þessum kláf.

Já ég fékk smá í tærnar enn það slapp til. Grill, bjór, góðar vinkonur og stemmning einkenndi þessa ferð....mörg stopp á leiðinni norður og suður he he. Hver hefur ekki stoppað við þennan minnisvarða einmitt.....ha hver þekkir þetta ekki:)

"Betra er áfengi enn áfangi"

Anna panna pottur og kanna

2006-10-03T15:45:00.000+02:00

Haustið
Ætti ég að blogga um bakstursdaga í Kópavoginum....bananabrauð með Grand marnier, haustið sem að er ólýsanlega fallegt þessa dagana eða bara hvað ég hlakka til að fá Anný mína suður í heimsókn. Ég gæti kvartað yfir að það væri svo mikið að gera enn það breytist ekkert við það. Mér gengur svo vel í skólanum að það er ekki sniðugt. Eiginlega of góð byrjun. Komin með 3 tíur af þremur mögulegum. Já montrass er ég, maður á að vera stoltur af því sem að maður gerir vel. Ég fór hins vegar í bíó um helgina sem að er sko saga til næsta bæjar. Fer svona 3x á ári he he. Fór á myndina "Talladega nights-the ballad of ricky" bara snilldarmynd. Kannski var það félagsskapurinn veit ekki. Svo er það bara sumarbústaðaferð um helgina. Afslöppun, afslöppun, afslöppun...mikið hlakka ég til að verja tíma með æðislegu vinkonum mínum uppi í sveit. Borða góðan mat, gera mig að fífli í singstar og drekka eilítið of mikið. Allt þetta er þess virði.

Fullt af dögum til jóla.....

Anna panna

2006-09-25T22:29:00.000+02:00

Búin með batteríin.....

Nú þarf ég að fara að endurhlaða. Fór í heilun í dag og það er engu líkara enn að ég sé á síðustu dropunum. Hef ekki farið vel með mig. Ekki vísvitandi, gleymdi mér bara smá. Veit samt ekki alveg hvernig ég á að fara að því. Man ekki eftir neinu á listanum mínum sem að má missa sín. Verð samt að gera eitthvað því að ég varð hrædd þegar að ég leit í spegilinn minn áðan. Veit hreint ekki hvaða kona þetta var sem að mætti mér grá í framan og guggin. Held að ljósatímar geti engu bjargað. Enn ekkert væl. Verð bara að taka vítamín, borða skyr, fara í ræktina og þjálfa hjartað með því að láta mér þykja meira vænt um eina manneskju...........

“Dansaðu eins og enginn sjái til þín.”
Anna panna

2006-09-20T02:10:00.000+02:00

Elsku Lilja!
Þetta er þinn dagur, ég er 150% viss um að eins og segir í textanum.... að þar sem englarnir syngja sért þú.

Þar sem englarnir syngja sefur þú.
Sefur í djúpinu væra.
Við hin sem lifum,lifum í trú. Að ljósið bjarta skæra.
Veki þig með sól að morgni. Veki þig með sól að morgni.

Hvíl í friði fallegi engill

2006-09-18T19:24:00.000+02:00

Helsinki here I come again !!!!

Um borð í Icelandair flugvél á leið til Helsinki. Þangað er farið með söknuði. Gullið mitt kom heim í nótt. Rumskaði við það að þessi elska var komin heim. Eitthvað svo vinalegt að vita af annari manneskju í næsta herbergi. Það var líka ekki leiðinlegt að vekja hann um kl: 5:00 svona rétt til að leyfa honum að heyra gott popplag og byrja á slúðrinu sem að hefur beðið he he. Enn núna sit ég semsagt í vélinni og er búin að vera að glápa á myndina The break up og misskildi ég eitthvað eða er þetta ekki gamanmynd. Ja sitt sýnist hverjum því mér þykir hún afar sorgleg. Kannski er það að þekkja af eigin raun að hafa elskað einhvern út af lífinu og svo er það allt í einu ekki lengur til staðar. Litlir hlutir sem maður elskaði eru nú meira pirrandi enn allt. Ja svona geta hlutirnir nú verið. Vá hvað mig langaði samt ekki að heiman í morgun þó að það breytist nú fljótt þegar að maður kemur í Leifstöð og um borð. Þeir sem að segja að ég kunni ekki að slappa af ættu að sjá mig um borð. Þá get ég ekkert gert nema slappað af og leyft huganum að reika. Lesið góða bók sem að hefur legið of lengi á náttborðinu eða horft á DVD. Og að sjálfsgögðu nýt ég þjónustunnar um borð. Þetta er bara snilld. Eina sem að ég skil ekki er Kóreubúinn við hliðina á mér. Án þess að vera með fordóma þá finnst mér þeir allir eins. Sé t.d ekkert sexý við hann og þeir ganga næstum allir á þessum aldri í svona þunnum peysujakka sem glansar. Annars kem til með að verða ein í Helsinki í rúman sólarhring og fer síðan til Oslóar. Vinna vinna og allt á sænsku ef að ég þekki þessa dúdda rétt. Verð að fara að verða duglegri í sænskunni. Það hefur komið til tals í Kópavoginum að hafa sænskan dag einu sinni í viku hmmm góð hugmynd eða hvað?
Já ég hlakka til að hafa Gullið mitt hjá mér.

Blogga síðar....1 ½ klst í lendingu og komin tími á smá dúr

2006-09-15T21:09:00.000+02:00

Flöskudagur

Haldiði ekki að stelpan sé komin í tísku he he. Hef held ég aldrei verið þekkt fyrir að fylgja beint straumnum í fatavali. Setningar eins og VÁ hvað þettta er Önnulegt eða, flott enn ég myndi aldrei ganga í þessu er það sem að ég hef heyrt. Tek þessu ekki illa enn í gær sagði minn ástkæri klippari að ég væri allavega í tískulit haustsins he he. Gvuð hvað það er annars fínt að búa loksins með manni ha. Þvílíkur munur he he Hann er búin að búa hjá mér í að verða mánuð og ég hef ekki einu sinni séð hann. Ja okkur fer varla að leiðast hvort annað á meðan tíhí. Annars er bara bilað að gera hjá mér...Bið samt ástkæra vini mína að gleyma mér samt ekki. Ekki hætta að hringja: ) . Einu verkefni hefur verið skilað í Háskólanum og nú heldur veturinn áfram. Þetta er bara gaman. Ein utanlandsferð framundan og önnur í vinnslu. Þangað til síðar.

Góða helgi.

2006-09-10T21:56:00.000+02:00

Hneyksluð.....
Já ég á ekki til orð. Hvert er Ísland að fara. Ungur maður 16.ára fer gagngert til netið til að finna mann til að drepa. Honum langaði að prufa það. Ja er furða að maður sé smeykur almennt og taki lífinu með VARÚÐ. Þess vegna hékk ég bara heima í dag he he. Bakaði og tók til.....það er bara æðislegt og hlusta á músík.

Ekki meira að frétta....nú tekur við afslöppun

2006-09-07T00:43:00.000+02:00

Nóg að gera hjá kellu...
Nú er maður komin heim frá Finnlandi, Eistlandi og Köben. Já það var bara snilld. Var í vinnuferð í Finnlandi nánar tiltekið Kiljava sem að er um 50km fyrir utan Helsinki. Ferðin var í alla staði snilld. Ég var í sumarskóla að læra um hvernig má fá ungt fólk til að vera virkara í verkalýðshreyfingunni osfrv. Það var mjög skemmtilegt og fullt af góðum hugmyndum sem að komu fram. Þarna var nú líka aðeins lyft glösum...mest vodka he he. Farið í alvöru Saunu og eftir góða stund þar hennti maður sér í ískalt vatnið. Við fórum eina nótt til Tallin í Eistlandi sem að var mjög gaman.
Miðbærinn þar er eins og í litlu sætu ævintýri. Ohhh það var æði þarna bara skemmtilegt og gott fólk. Ég var eini Íslendingurinn enn það kom ekki að sök. Ég kynntist yndislegu fólki til að mynda einni frá Svíþjóð og tveimur frábærum strákum frá Noregi.
Hér erum við....
Ekki kannski erfitt að kynnast þar sem að við vorum bara 11 í þessum kúrs. Enn skrítið samt hvað maður nær að kynnast vel á 10.dögum. Verð að viðurkenna að þar sem að ég kvaddi þau Önnu, Marius og Jimmy á myndinni hér að ofan féllu nokkur tár og ég sá að þau voru engu betri. Já já maður er orðin svo linur. Annars heldur lífið bara áfram. Er að taka mig til núna fyrir Akureyri því þangað fer ég á morgun. Háskólinn er að hefjast svo nú er að bretta upp ermar. Fékk nýjan prinsessublýant í dag svo að ég ætti að vera fær í flestan sjó.

Hafiði það gott og munið að nýta hvern dag sem best.
Anna Vala

2006-08-24T12:21:00.000+02:00

El Finnland....

Vá ætlaði að byrja á þessari færslu fyrir korteri....sem að þýðir að nú hef ég eiginlega engan tíma sko. Er semsagt komin til Finnland nánar tiltekið til Kiljava sem að er 50km fyrir utan Helsinki hér er æðislegt veður 22-26 stiga hiti og sól, yndislegt fólk og fín aðstaða. Er að fara í tíma núna enn blogga síðar ef að einhver er að lesa þetta....Sem að þýðir comment takk :)

Stokkin í bili
knús Anna panna

2006-08-14T20:39:00.000+02:00

Margt í gangi......
Hélt upp á afmælið mitt á föstudaginn og já það var alger snilld. Alveg hreint yndislegt er svo ánægð að það hálfa væri nóg. Á svona skemmtilega blandaðan vinahóp sem að ég reyni að henda saman í svona boðum og já ég held að það hafi tekist. Allavega skemmti ég mér æðislega og er þvílíkt sátt við allt. Ohh ég á svo æðislega vina ég er svo heppinn....varð að koma því að : ) Kata mín er nú komin heim frá Tenerife svo að lífið er tvöfalt ánægjulegra. Það þýðir það að Hera frænka er líka komin heim : ) Enn þegar maður fær eitt þá missir maður annað. Aldís er semsagt farin til USA fram að jólum og ég náði ekki að kyssa hana bless. Verð að viðurkenna að ég tárast við að hugsa um að ég sjái hana ekki fyrr enn í desember...enn vonandi get ég heimsótt hana. Já já ég er væmin í dag það er þannig dagur bara. Var að enda við að horfa á einhverja ofursæta romance mynd. Systir mín fór líka í dag eftir helgardvöl. Það var svo gaman hjá okkur svona utan við það að hún tekur ALLT plássið í rúminu. Já Guðbjörg það er gott að hafa þig nálægt sér. Enn ég vil engar munn við munn æfingar við systur mína um miðja nótt he he : ) Set inn nokkrar myndir úr geiminu í tilefni dagsins og minni fólk á að það er meira í gangi um næstu helgi enn Menningarnótt því að í dag hófst ástarvika í Bolungarvík...ggrrrrrr ætli það séu margir efnilegir þar hmmm er elliheimilið opið. Nei ég segi svona.

Later elskurnar og TAKK allir sem að mættu í boðið mitt

KNÚS Anna panna

2006-08-09T15:45:00.000+02:00

Versló er hún prenthæf ?
Veit ekki sko....hún var allavegana mjög fín. Fór í Vaglaskóg með Anný og fleira fólki. t.d honum Almari sem að var með verri útilegubúnað enn ég hehehhe. Ég var með forlátt Sony tjald sem að sást í gegnum enn Almar var einungis með svefnpoka, fréttablaðið og kókómjólk, maðurinn er nottla bara helber snillingur. Veit ekki hvar hann ætlaði að gista enn fékk að sjálfsögðu örugga gistingu í Sony tjaldinu : ) Þetta var bara ægilega fín helgi fyrir norðan. Borðað og drukkið eins og vaninn er hjá múttu minni fann einungis fyrir því einu sinni að mig virkilega langaði í mat. Skellti mér síðan á Greifana að djamma á ásamt minni ástkæru systur sem að var frekar dru...srkjklfjskjfkls. Jamm sumir kátari enn aðrir. Verð reyndar að segja að Greifarnir eru ekki þeir heitustu. Enn kannski meira spennandi enn röð hálfa leiðini að ríkinu til að fá miða í troðninginn í Sjallanum. Mesta furða hvað maður getur bara alltaf skemmt sér. Sé maður í réttum félagskap hmmm nefnum engin nöfn. Fór líka á Tónleika með Rósu minni sem að er í bandinu Helgi og hljóðfæraleikararnir. Þau eru bara snilld og maður er stoltur af stelpunni. Sé samt fram á að hún verði að redda mér einu lagi svo að ég hljómi ekki bara eins og rispuð plata "Þess vegna eru þau svo huggulegt par". Er ég nokkru að gleyma nema að ég er að verða eldgamalt hræ þannig að ég ætla að fara að eyða tíma mínum í annað enn þetta blogg. Nema kannski eitt merkilegt í viðbót. Hún Karen mín er búin að eignast myndarstrák. Til hamingju elskurnar....ja svona þó að barnið hafi komið tveimur dögum of snemma. Fyrirgef það kannski einhverntímann he he

Later

2006-08-03T13:48:00.000+02:00

Versló persló......

Alveg að koma. Skrítið hvað ég er ekkert spennt fyrir þessari ferðahelgi. Er nú oft búin að spá í eyjar ja nei svo nenni ég engan vegin. Þetta bara á ekki við stelpuna að vera blaut upp fyrir haus, köld og ógeðsleg. Nei þakka þér pent fyrir. Borgarferð á fínu hóteli er bara miklu meira ég skal ég segja ykkur. Hmm þar sem að má fá egg og bacon í morgunmat og rölta síðan á kaffihús og kannski kíkja í örfáar fataverslanir. Vá hvað þetta sumar er fljótt að líða bara afmælið mitt alveg að bresta á og svo er það bara haustið sem að tekur við. Hlakka mikið til því að það er svo mikið á dagskrá, eiginlega einum of mikið. Háskóli, vinna, ræktin, nokkrar utanlandsferðir, vinnuferðir út á land ofl ofl. Ætlaði að reyna að byrja í Yoga og kannski skella mér í grunnnám í söng enn ég sé ekki alveg plássið fyrir það. Kannski ég hefði tíma ef að ég væri ekki að sinna karlmannsverkum. Já stelpan er búin að vera að mála. Held reyndar að það sé meira antikhvítt á mér hárið og parketið heldur enn nokkru sinni veggirnir he he. Þetta verður vonandi flott, klára þetta í dag og verðlauna mig með vanillu skyri í kvöldmatinn. Ef að þið vitið um handalaginn mann sem að ég má hringja í any time....let me know.
Já lífið er yndislegt.

"Snúðu andlitinu mót sólinni og þú munt ekki geta séð skuggana"
(Helen Keller)

Anna panna

2006-07-31T10:23:00.000+02:00

VÁ VÁ VÁ.....

Þvílík og önnur eins snilld verð ég að segja, já ég fór á tónleikana með Sigur rós í gær eins og svo margir aðrir. Það er ekki hægt að segja að ég hafi verið með miklar væntingar. Hef hlustað svolítið á þá enn aldrei farið á tónleika með þeim. Enn þarna stóð ég niðri á Miklatúni frá kl:22-00:20 með gæsahúð upp fyrir eyru af ánægju. Það var eins og ég væri hreinlega í öðrum heimi og á leið minni heim og þegar heim var komið var ég svona hálfdofin. Ef að svona tónlist er til að mynda í himnaríki þá skal ég sko ekki kvarta yfir að þurfa að kveðja þennan heim. Já þessa tónleika verður sko minnst og spurning um að fara að plana að sjá þá á tónleikum erlendis. Þarna eru án efa algerir snillingar á ferð því geta menn sko ekki neitað og þeim sem að finnst þetta væl og ömurlegt eiga bara að vera heima hjá sér á meðan á svona stórtónleikum stendur. Bara vera heima og hlusta á Brimkló eða Britney Spears.

Anna Vala

2006-07-28T17:06:00.000+02:00

You Are A Guilty Ex

You weren't the greatest to your ex, and you admit it. And now your remorse is keeping you up at night...While feeling a little remorse is good, your guilt is preventing you from moving on.

WHAT.....þetta getur ekki verið satt he he þessi Amerísku próf sko : )

Góða helgi fólk

2006-07-27T14:53:00.000+02:00

Þakklæti
Ég er bara káta barnið þitt.
Hvað annað?
Leik mér sæll við þetta eða hitt og finn að lífið allt um kring er leikfang mitt og ég lifi.
Og á sólskinsgöngu heyri ég mitt hjarta syngja fögur lög um kærleiksveginn bjarta.
Fegurð lífsins fyllir huga minn og ég þakka.
Guð minn ég vil þakka þér allt sem þú gefur mér. Ég veit þú skilur alveg hvað ég met það mikils. Horfi ég á garðana og trén í blóma hugsa svo um börnin prúð og pen og róma hvað yndislegt það er að vera til og ég lifi.
Guð minn ég vil þakka þér allt sem þú gefur mér. Ég veit þú skilur alveg hvað ég met það mikils.

Varð að setja þennan texta inn hann er svo fallegur.

2006-07-24T12:57:00.000+02:00

Með stútfullan haus af hugmyndum....

Já fullt af hugmyndum fyrir verslunnarmannahelgina. Ekki víst að ég komi öllum í framkvæmd enn vonandi einhverju he he. Læt ykkur vita þegar nær dregur sko. Enn blómadrengurinn er komin í ljós. Hef nú verið ánægðari með margt annað. Sumir vita greinilega og alls ekki hvar mörkin liggja sko. Það liggur við að þetta kallist meira ofsóknir enn hrifning. Enn svona eru sumir ekki alveg heilir ég fer að þakka fyrir þessar heilasellur hjá mér sem að virka ha ha.
Enn hvað segir fólk hvað á annars að gera um verslunnarmannahelgina? Bara hanga heima, eru það eyjar eða Bindindismót í Galtalæk ? Enn afmæliskveðjudagsins fær Anný Rós elsku litli sykurpúðinn minn sem að er 24.ára í dag, ohhh Anný það má segja að ég öfundi þig að liggja á sundlaugarbakka í Króatíu með hvítvín í annari og kall í hinni : )

Later
Anna panna

2006-07-23T00:28:00.000+02:00

Rósavikan ógurlega....

Hvað eru konur að kvarta yfir að fá ekki blóm he he. Ég kom heim á miðvikudaginn og átti þá rósir og mynd....ekkert kort. Var samt snögg að fatta að þarna væri Gullið mitt á ferð. Hann er nottla bara æðislegur. Varla að maður þurfi kall þegar að maður á svona öðling að. Ja enn svo líður vikan og komin er föstudagur. Þá kem ég heim og á rauðar rósir fyrir utan og ekkert kort og ég veit ekkert frá hverjum þær eru. Þær eru sætar það vantar ekki enn hvað vill svona aðili ? Ekki fær hann þakklæti eða annað krúsulegt frá mér hmmm. Hvað kemur næst ? Tek það fram að stór hluti blokkarinnar tók eftir þessari sendingu og finnst þetta broslegt. Jamm allir svo nánir hér.

Yfir til ykkar
Anna panna rósastelpa

p.s hvað ætli ég fái mikið af blómum í næstu viku, giska þú.

2006-07-19T13:46:00.000+02:00

VEI.......

Það er komin sól þvílík og önnur eins snilld. Hlakka sko til að stökkva út í góða veðrið kl:16:00 hvorki fyrr né seinna. Einnig góð spá fyrir helgina. Jafnvel eins og hálft hvítvínsglas ? Enn ég get nú varla bloggað án þess að óska góðri vinkonu minni henni Auði til hamingju með óléttuna. Það er búið að vera að giska mikið á síðunni hjá okkur stelpunum hver sé eiginlega ólétt. Skil það samt ekki að það giskaði ENGIN á að ég væri ólétt. Hvað er málið halda þær að ég sé ófrjó, stundi ekki kynlíf eða það að ég sé bara svona gáfuð. Ég hallast reyndar að því síðast nefnda. Get sko ekki annað enn brosað samt eftir margar spurningar frá fólki hmm hvað segirðu voruði saman í 5.ár og ekkert barn og svo fær maður augngotur eins og maður sé geimvera frá mars. Alveg magnað fyrst byrjar þetta ætlarðu ekki að ná þér í kall, síðan er spurt hvort maður ætli ekki að eignast barn, síðan er spáð í hvort að það eigi ekki að koma með annað. Svo þegar fólk skilur þá heyrist " æ greyin voru þau bara ekki að drífa sig svo mikið og kikna síðan undan öllum saman". Vá ég elska íslendinga: )

He he jæja hættið að lesa þetta og komið ykkur í sólina gott fólk.

2006-07-18T15:47:00.000+02:00

Til starfa....
Þá er maður komin úr fríi....og hvað gerði maður. Ekki neitt eða þannig sko, bara ræktin, borða, hitta gott fólk, sofa, glápa á video osfrv. Og sjaldan hef ég verið í jafnmiklu fríi. Gerði hreinlega ekkert nema að hugsa um rassinn á sjálfri mér. Vissi ekki einu sinni sjálf hversu þreytt ég var orðin bara hafði ekki glóru. Þó að það hafi verið rigning allt mitt frí var það ekki einu sinni pirrandi. Fór bara í ljós og núna er uppáhaldsstofan mín með 50% afslátt af kortum og ég held að það sé barasta málið. Er ekkert á leið til útlanda því að þessi elska sem að ætlaði með mér er á leið í skiptinám til USA. Kannski maður kíki bara á stelpuna. Allavega leggst það bara ágætlega í mig að vera heima á klakanum. Held reyndar að þetta sé fyrsta sumarið í 5.ár sem að ég fer ekki neitt svo að ég hef ekkert efni á væli. Ekki það að í þessu veðri er ég bara farin að spá í haustinu, mun verða mikið að vinna, afar spennandi tímar þar, síðan er það háskólanám með vinnu og allt annað sem mig langar að gera. Kannski að ég sé búin að finna dansherra til að koma með mér á námskeið í samkvæmisdönsum. Hrikalega hefur mig lengi langað á svoleiðis. Já ég er skrítin það verður einhver að vera það og ég tek það að mér FRÍTT : )

Síðar elsku sykurpúðarnir mínir....

p.s Gvuð hvað ég vona að Stuðmenn hætti frekar enn að Birgitta verði áfram með þeim. Hún er án efa sú alleiðinlegasta söngkona í bransanum. Frekar vildi ég fá Gylfa Ægisson í mitt partý enn hana.

2006-07-17T15:13:00.000+02:00

Why is it that you can sue McDonalds if you get fat, Marlboro if you get cancer, but you can't sue Smirnoff for all the ugly people you fuck??

Þetta er pæling sko

2006-07-12T22:50:00.000+02:00

Ég er matarnörd....

Um það er sko engum blöðum að fletta hef heyrt frá sumum vina minna hversu margir búi eiginlega á heimilinu. Það lítur sko alls ekki út fyrir að vera single home. Í frystinum er til Lambalæri svona þrjú, lambahryggur, hakk, slátur, önd, parmaskinka, reyktur og ferskur lundi, humar, rækjur, ýsa, þorskur, lúða, lambasneiðar, kjúklingar ofl ofl. Hvað er málið með mig. Móðir mín reyndar safnar mat eða það segir pabbi allaveganna er ég með þennan sjúkdóm líka : ) Annars er stelpan bara kát ennþá í fríi og nýtur lífsins ef fengið ótal spurningar um hvort að ég ætli ekki að fara eitthvað enn nei það er ekki svo þetta árið. Og já sakna þess varla...nema smá í gær þegar góðir vinir mínir voru á leið til Króatíu. Þar var ég í fyrra og ég man varla hvort var betra maturinn eða veðrið. Þetta er búin að vera tær snilld að vera BARA heima að hitta vini mína. Og já ykkur sem langar út að borða á Silfur (gamla Hótel Borg). Ekki hika við það, góður matur....mjög góður matur. Þjónustan er bara la la enda alltof fáir þjónar sem að útskrifast. Já Þjónar eru líka vanmetnir að mér finnst og þeirra nám. Allir þykjast geta þjónað enn það geta það alls ekki allir og það sést sko glöggt á stöðum bæjarins Punktur og Basta.

Spurning á svo stelpan að skella sér á Sálina á NASA á föstudaginn ?
Hvað segið þið ?

2006-07-04T23:19:00.000+02:00

Í sumarfríi....

Þvílík og önnur eins snilld. Byrjaði með vel heppnaðri ferð með Aldísi á Færeyska daga og svei mér þá ef að við vorum ekki ellilegar þarna he he. Það var allavega svaka stuð og við sem að vorum hvorki í hassneyslu né slagsmálum:) Síðan þá er ég búin að vera að útrétta, hanga í ræktinni, vera með strengi. Fór í frábæran saumaklúbb say no more. Svo er að koma helgi veit ekki alveg hvert er stefnt enn það verður eitthvað agalega skemmtilegt.

p.s er komin með spegil á baðið eftir já smá bið

Later

2006-06-26T15:01:00.000+02:00

El sumar el blogga el lítið
Uss uss nú er nóg að frétta kellan búin að fara á ættarmót og alles. Man hvað ég ætlaði að vera dugleg að blogga þegar ég fengi tölvu heim....hmm það er rúmt ár síðan og ég held ég bloggi ekki neitt meira. Heng bara þeim mun meira í tölvunni að gera hreint ekki neitt. Óþolanmdi hvað maður getur hangið yfir hreint ekki neinu. Nema í gær, ha þá var ég að gera þarft verk. Klára að glápa á Prison break og já það er ekki ný sería fyrr enn í ágúst...21.ágúst verð ég sko klár að downloada honum af FOX. Er þvílíkt spennt já og hver kom mér í þetta...já Kata. Enn hún bætti nú fyrir það um helgina. Var með henni í bústað fyrir austan ja svona ásamt öllu hennar krúi. Þetta var bara frábært, maturinn, gistingin, félagsskapurinn og allt....ja kannski allt nema bruninn á andlitinu og öxlunum. Það get ég kennt mér um já ég er íslendingafífl sem að held að ég þurfi enga sólarvörn og ligg þangað til ég byrja að flagna. Er ekki bara og seint að byrja að vera gáfaður núna hmmm svona þegar að það eru einhverjar 7.vikur í 24.ára afmælisdaginn minn VEI. Annars bara tóm gleði framundan.

5.dagar í sumarfrí
Anna panna

p.s Kata get kannski reddað upplýsingum um huldumanninn.......mín er komin með heimildarmann sem að ætti að geta reddað þessum upplýsingum ehhehehehhehe

2006-06-16T11:50:00.000+02:00

Hvert fór þessi vika......

Ja mér er spurn finnst ég ekki hafa gert neitt : (. Það slítur reyndar soldið að skreppa norður. Var þar á miðvikudaginn og eini staðurinn sem farið var á var Strikið. Fyndið að fara norður á án þess að sjá familiuna eða vinina. Enn svona er lífið. Ættarmót framundan hmm og því sem þarf ekki að pakka er .....

Ekki sólhattur og sólarolía heldur pollagalli og nýju bleiku gúmmítútturnar með blómunum
Ekki útidóti því það verður rigning neyðist því bara til að vera full inn í tjaldi.
Ekki kærastanum á engan ólíkt því sem sumir halda heheh.
Ekki krökkunum því ég á enga.
Ekki mat og tjaldi því ég á foreldra.....

HA Sexý mynd af mér....passið ykkur að verða ekki of æst.

Góða helgi gott fólk.....

2006-06-12T01:35:00.000+02:00

Anna komin með kærasta......já hann er minn

2006-06-12T01:03:00.000+02:00

Sunnudagar til Prison....
Ég blogga bara á sunnudögum af því að ég á mér svo mikið líf sko. Eins og t.d að hanga á slysó með Aldísi á sunnudögum : ). Vikan er búin að vera crazy var á Akureyri með ráðstefnu sem að gekk nota bene vel. Svo smá djamm á fimmtudaginn og þunn í flug á föstudaginn. Alltaf jafn menningarleg. Nú blasir við heil vinnuvika og já smá Prison break ...já það ætti að banna það efni. Það er fíkn hjá mér þessa dagana. Ég er semsagt búin að glápa á 16. þætti á einni viku. Kata mín það er þér að kenna að ég er með kassalaga augu og mun aldrei ganga út.......................Ha meðan ég sat í tölvunni kom t.d enginn og bauð mér á date. Gæti jafnvel verið að ég hætti að drekka útaf þessu. Ji annars líður sumarið hratt það er að verða komin miður júní og sólin ekki þvælst fyrir manni. Ættarmót um næstu helgi. Gæti trúað að þar yrði kellan hress. Syngi fóstbræðralög og haldi uppi stuði : )

Later aligator

2006-06-04T14:41:00.000+02:00

Seinheppin já stundum verður ekki annað sagt....

Fékk mér örlítið í glas um síðustu helgi. Hafði svona smá móral yfir því hét á msn edru.is nota bene hét það alla vikuna ef út í það er farið. Fannst þetta svo sniðugt he he. Hmm það sem að ég vissi ekki fyrr enn í gær að edru.is síðan er til semsagt það er fræðslu og forvarnarvefur. Komst að þessu þegar að maður sem að ég tala ekki oft við kom á msn til að spyrja mig hvað edru.is...Ég sagði já kláraði kvótann um sl helgi...já já ertu þá alveg hætt. Ha ég nei nei bara róleg núna. Ég var ekki í afvötnun. Já ok góða nótt. Semsagt ef til vill eitthvað að fólki þarna úti sem að heldur að það sé búið að þurrka stelpuna. Tók test á SÁÁ til að athuga hvort að ég ætti að skreppa þangað í hádegishléðinu í vinnunni he he.

Viltu vita hvort áfengisneyslan er í lagi?
Af svörunum að dæma getur viðkomandi verið róleg(ur) því áfengisneyslan er eðlileg.

Sko mig er annars búin að eiga æðislega helgi. Fór á The Da Vinci Code hún er æðisleg fannst mér. Skemmtileg flétta kannski er ekki að marka mig þar sem að ég hef ekki séð bókina enn samt gaman. Fyndið að fólk sé samt að trúa þessu í stórum stíl. Sumir eru hreint alveg frítt í bíó. Og að öðru hmmm hef ég verið að kvarta yfir veðrinu já. Uss það batnaði smá í gær og stelpan náði sér í oggulítið bikinifar og brunna öxl eftir setu á Vegamótum. Geri aðrir betur : )

Anna panna

2006-06-01T00:51:00.000+02:00

Ég bað um að verða sterkur og Guð gaf mér erfiðleika til að gera mig sterkan.
Ég bað um að verða vitur og Guð gaf mér verkefni til að leysa.
Ég bað um velsæld og Guð gaf mér hug og hönd til að vinna.
Ég bað um hugrekki og Guð lét mig mæta hættum til að leysa.
Ég bað um ást og Guð gaf mér fólk í erfiðleikum sem ég gat hjálpað.
Ég bað um greiða og Guð gaf mér tækifæri.
Ég fékk ekkert af því sem mig langaði í!
Ég fékk allt sem ég þurfti!

Já svona hugsar maður þessa dagana.

2006-05-26T12:34:00.000+02:00

Manchester..........

Haldið ykkur fast þessi ferð var snilld það er eins og ég segi ég veit ekki hvort það var bara félagsskapurinn eða hvað. Lentum þarna seint á föstudegi dótinu þrykkt inn á hótel og kíkt aðeins út. Skemmtilegar svona stelpuferðir hmmm það var drukkið soldið af öli, borðaður snilldarmatur, hlegið út í eitt stundum yfir einhverju fyndnu oft yfir ekki neinu, horft á Latabæ, gerðar leikfimisæfingar með morgunsjónvarpinu....það verður reyndar að segjast eins og er að hún Þórdís mín tók ekki þátt enda kannski ekki eins mikill íþróttakappi eins og ég hóst hóst. Tíhí sáum mann uuuu eða konu á flugvellinum. Hann, hún, það var með ljóst hár með permanetti, með karlmannlega ístru og í karlmannsskóm. Hvað haldi þið ??

Dísinni minni leist reyndar ekki alltaf á þessar myndatökur he he. Ég bara varð þetta var svo fyndið og eins konan á veitingastaðnum sem var með svo stóran rass að hann stóð út fyrir báðu megin á setunni ha ha. Hey halló ég tók flassið af svo að þetta væri ekki alveg augljóst kann mig sko. Ja meiri sögur seinna.....

Later

2006-05-19T13:52:00.000+02:00

Farin til Manchester.............og nei ekki á fótboltaleik: )

Góða helgi.............

2006-05-12T11:55:00.000+02:00

Föstudagur til fyllerís.....

Eða hvað....hmmm stelpan er nú ekki þekkt fyrir að fara út úr húsi. Óvissuferð í vinnunni í kvöld ohh mig hlakkar til. Alger snilld að kíkja með þessu fólki út : ) Svo helgin hmmm veit ekki hvað skal gera. Kela við sætan strák kannski hmm eða hvað. Spáin er ekkert spes svo ekki eru það rómantískar lautarferðir eða gönguferðir sem heilla. Annars er bara vika í margrómaða Manchester ferð með ástkonu minni. Það verður svo gaman ha ferðin getur ekki klikkað í svona góðum félagsskap. Verð nú að kaupa mér föt til að fylla upp í fataskápinn svona þar til tvíburarnir þurfa sitt space : )

"Lífið þér verði ljúfur draumur, lánið þér fylgi alla stund. Aldrei þig heimsins glepji glaumur, guðs þig leiði volduga mynd"

later

2006-05-09T11:14:00.000+02:00

Eins og undin tuska.....

Já lífið er ekki alltaf sanngjarnt og það hef ég oft sagt mér bara svo erfitt að trúa. Ung kona í blóma lífsins þurfti að yfirgefa okkur alltof snemma. Ljótt að það þurfi eitthvað svona til að maður lemji hausnum við stein og segi við sjálfan sig. Ég ætla að nýta mitt líf vel, vera góð við aðra, hugsa um heilsuna og fara mínar leiðir til að verða hamingjusöm. Síðustu dagar hafa einkennst af þessum þrálátu hugsunum um lífið og tilveruna. Hvers virði lífið sé, afhverju sumir haga sér eins og þeir gera, afhverju fólk komi ekki fram við aðra eins og þeir vilja láta koma fram við sig. Afhverju sumir þurfi endalaust að vera dónalegir og segja niðrandi hluti við aðra. Já kannski heimskulegar pælingar því jú sumir eiga bara bágt eru sjálfum sér verstir og slíkt. Enn í gegnum allar pælingarnar og sorgina sem að hefur einkennt síðustu daga er lítil vonarglæta. Ég t.d hitti góða vinkona sem að ég var mjög náin og fannst eins og tengslin kviknuðu á ný. Einnig átti ég afskaplega styrka hönd í kirkjunni. Guði sé lof fyrir þá stelpu hún hefur jú alltaf stutt mig.

Verið góð við hvort annað
Anna panna

2006-05-03T12:55:00.000+02:00

Þegar lífið slokknar, þá sorgin inn skýst. Oft þá andlitið blotnar, því sorginni engin orð fá lýst.

Elsku Anný og fjölskylda hugur minn er hjá ykkur.

2006-04-30T19:33:00.000+02:00

Þessi vika.....
Sá "kærastann "minn á sviði : )
Fór í Stykkishólm að vinna og í siglingu um Breiðafjörð. Hér má sjá mig með Krabbanum vini mínum....var að reyna að láta hann breytast í prins enn ef til vill var hann ekki sá rétti.
Heyrðist það á hagfræðingi ASÍ að ég væri ein af ástæðum verðbólgunnar.....hmmm aukin einkaneysla....eitthvað kannast ég við það.
Fattaði að ekki er allt sem sýnist með ákveðinn aðila og að hreinlega allir geta komið manni á óvart.

Anna Cortes kveður að sinni

2006-04-24T13:13:00.000+02:00

Svona til gamans elskurnar.......
1. Hver ert þú?
2. Erum við vinir?
3. Hvenær hittumst við fyrst og hvernig?
4. Ertu hrifin/nn af mér?
5. Langar þig að kyssa mig?
6. Láttu mig hafa gælunafn og útskýrðu afhverju þú valdir það.
7. Lýstu mér í einu orði.
8. Hvernig leist þér á mig þegar þú sást mig fyrst?
9. Lýst þér ennþá þannig á mig?
10. Hvað minnir þig á mig?
11. Ef þú gætir gefið mér eitthvað hvað myndi það vera?
12. Hversu vel þekkiru mig?
13. Hvenær sástu mig síðast?
14. Hefur þig einhvern tímann langað til að segja mér eitthvað en ekki getað það?
15. Ætlaru að setja þetta á bloggið þitt svo ég geti skrifað um þig?

2006-04-22T17:52:00.000+02:00

Anna þessi kaupóða.....sem nennir ekki að blogga

Eða á sér svo mikið líf að hún hefur ekki tíma í slíkt. Já eitthvað þannig. Páskarnir voru svona arfafínir og blogglausir. Svo er ég alltaf í búðum að kaupa mublur svo að ég hef ekki efni á því að fara út að djamma...ligg bara í kojufyllerí. Það er bara fínt eða fæ mér í glas með nágrönnunum. Talandi um nágranna. Veit einhver hvar er hægt að fara á námskeið í að þegja??? Fór á húsfund í elskulegri blokkinni minni. Staðráðin í að segja nú ekkert til að enda ekki í stjórn.....enn mín talaði og talaði og stjórnaði og endaði með því að mér leist ekki á liðið sem átti að setja í stjórn og setti sjálfan mig sem gjaldkera. Hvað er að mér ?
Jæja, mynd af nýja sófanum
Ég er farin að bera upp skenkinn sem kellan keypti sér í dag.

Yfir og út

2006-04-06T14:35:00.000+02:00

Akureyri-city
Já stelpan er komin á Akureyri....og hún kom keyrandi. Það er varla frásögu færandi nema að stelpan hefur búið 7.ár á höfuðborgarsvæðinu og hreint aldrei þurft að keyra ein alla leið. Enn það gek nú bara fínt nema á Öxnadalsheiðinni þar sem að sást ekki neitt og keyra þurfti stiku fyrir stiku. Alger viðbjóður og ekkert símasamband.....ja mér var nú ekki alveg sama um það. Enn komst á leiðarenda. Alltaf gott að komast heim í sveitina: ) Enn svo er það stóra málið passar þetta við mig í dag......
LJÓN 23. júlí - 22. ágústLjónið er viðkvæmt fyrir móttökunum sem það fær og gæti jafnvel látið freistast til þess að spyrja: hvernig stend ég mig? Það er bæði djarft og hrífandi. Þegar upp er staðið er ljónið ómótstæðilegt.
Jæja segi bless úr snjónum í bili.....

p.s Þið sem þorið eruð velkomin heim til mín um páskana að skoða nýja sófann minn : )

2006-03-30T13:46:00.000+02:00

Skil sko ekki.....
Hvernig í ansanum tókst mér að blogga án þess að minnast á síðustu helgi ??? og fimmtudaginn þar á undan ? Er það áfengið eða er það vinnan sem að truflar líf mitt ?
Allavega var þetta slæmt hjá mér. Fór nefninlega á Bifröst um daginn að hitta Aldísi mína þar var manni tekið eins og drottningu sér herbergi, boðið í matarboð með nautalundum og alles og drukkið fram á nótt. Hér má sjá stuðið á frúnni þetta kvöld......
Já það var sko erfitt að keyra í bæinn á föstudagsmorgun. Er ekki frá því að ég hafi meira að segja keyrt löglega þar sem að ég hafi ekki orku í meira. Síðan þessa yndislegu helgi kom litli sykurpúðinn minn í borgarferð. Jamm hún Anný VÁ hvað það er alltaf gaman að hitta hana og hlunkaðist ég í partý til hennar eftir að hafa fengið mér örlítið neðan í því með útskriftarnemum í rafiðnaði.....hmm já það var gaman þetta kvöld.

Síðar

2006-03-30T12:00:00.000+02:00

100% íbúðareigandi
Já nú á stelpan íbúðina ein. Allt tekur tíma og núna er það bara búið og gert. Skulda fleiri miljónir í dag enn í gær. Núna þarf ég bara að finna smá dót inn í íbúðina og já hef hrikalega dýran smekk eða ég fór í vitlausa búð til að byrja með. Sófinn sem mig langar í kostar allaveganna fleira 100.000 kalla enn ég á til. Enn það sem að er jákvætt við þetta mál allt er að ég bý í blokk þar sem að fylgst er með mér. Er t.d alveg viss um að ég myndi ekki liggja dauð í 2. vikur í íbúð minni. Eða að mér verði rænt án þess að grannar mínir taki eftir. Þeir fylgjast ótrúlega vel með. sko ég fylgist með hvað skeður enn þeir toppa þetta t.d er eldri maður í blokkinni svona vinalegur maður.....sem að sagði við þriðja aðila að hann vissi nú bara ekki hvaða bíl ég ætti ég væri alltaf á nýjum duuuu hef nú bara verið á mínum og Jóns. Og fleiri hafa nefnt álíka atriði. Já svo hélt ég að það væri ómögulegt að búa í blokk. Aldeilis ekki þegar maður á svona granna.

Anna granna kveður að sinni

2006-03-22T09:19:00.000+01:00

Tíminn líður.....
Vá það er komin 22.mars sem að þýðir bara eitt. Það styttist í sumarið þó að veðrið í dag segi það ekki alveg. Það styttist líka í að ástkær litla systir mín verði fermd. Ég er alveg eins og annað fólk finnst hreint og beint furðurlegt að hún sé að fermast. Er hún virkilega orðin svona gömul litla systir mín hmmm ekki hef ég elst eða þroskast neitt. Enn meira um systur því að sú eldri var líka hjá mér um helgina.....rosa gaman að því undanskildu hvað fólki utan af landi finnst gaman að fara í Kringluna og Smáralindina. Þarna finnst mitt karlmannsgen að ég hef takmarkaða þolinmæði í svoleiðis rölt. Nema að það sé erlendis og ég fái bjór nokkuð reglulega á meðan á búðarrölti stendur. Hefði átt að drekka meira enn einn bjór á Fridays he he. Annars lýsi ég eftir einhverjum sem hefur fengið þetta "frábæra tilboð í bankaviðskipti hjá KB banka". Fannst það nú ekkert frábært og sagði gæjanum það svona pent og spurði svo út í annað hjá bankanum enn tilboðið og greyið vissi ekki neitt. Ætli ég haldi mig ekki bara við Landsbankann sem ég var sett í við fæðingu?

Hætt að tuða veriði sæl.

2006-03-14T11:20:00.000+01:00

Árshátíð Símans já já.
Var boðin þangað af góðum manni. Þvílíkt og annað eins stuð. Byrjaði með greiðslu og förðun og síðan tók við ótakmörkuð drykkja áfengis. Veit ekki hvort ég var að reyna að slá persónulegt met í drykkju. Lagði aldrei frá mér glasið og var dugleg að ná mér í annara manna glös á öðrum borðum alveg óvart. Stórsveit Jóns Ólafssonar lék fyrir dansi Stebbi, Björn Jörundur og Regína Ósk voru að synga svaka góð enn stundum full rólegt að mínum smekk. Maður getur ekki vangað allt kvöldið. Það fyndnasta samt án efa þetta kvöld utan við kötu sem þurfti endilega að tala við Brynjólf forstjóra Símans var að ég dansaði við einhvern strák....í mesta sakleysi ja það hélt ég þar til pikkað var í öxlina á mér og sá þar reiðilegt andilegt og varir sem mynduðu orðin "hann er sko gay"......Uuu og so við erum að dansa hugsaði ég. Ok þetta var kærastinn hans. Enn hann er hommi og hvað heldurðu að hann hlaupi inn í skápinn.
Enn þetta var stuð og ég stóð við mín orð að fara síðust heim.....og sama hvað fólk segir um matinn þarna. Það skiptir ekki máli áfengið var gott.

Anna ógn við hommana....get kannski fengið vinnu hjá Gunnari í Krossinum við að afhomma fólk.

2006-03-09T22:43:00.000+01:00

Veikindi er eitthvað sem að ég hef sloppið fáránlega vel við í gegnum árin. Hef haft þá lukku að veikjast sjaldan. Enn ég var veik fyrir mánuði og er aftur veik núna. Búin að vera veik í 3.lllllllaaaaaanga daga. Já það er ekki tekið út með sældinni nema að eina lukkan sem fylgir þessu er að ástkær frænka mín var nýbúin að færa mér Desperate houswifes þætti til að horfa á og þá hef ég horft stíft á milli þess að ná mér í vatn, hausverkjapillur og mæla hitann. Já viljiði lýsingar á því .....fyrst er það vel af vaselíni svo....nei ekki alveg.
Annars er ég nýbúin að fatta að það er ótrúlegasta fólk sem les vitleysuna hérna og mér er sama finnst það bara broslegt. Viðurkenni að sjálf laumast ég á aðrar síður án þess að skilja eftir mig slóð. Skil ekki fólk sem er viðkvæmt fyrir þessu....afhverju að vera með síðu á veraldarvefnum ef bara ákveðinn hópur má lesa. Ég vil enda þessa færslu á að óska Karen minni elsku dúllunni minni til hamingju með að eiga von á erfingja. Það liggur við að ég öfundi ófætt barn að fá að alast upp hjá þessari yndislegu stelpu. Án efa einn mesti gullmoli sem sögur fara af.

2006-03-08T15:05:00.000+01:00

Bílprófið......sagði prófdómarinn minn þegar ég var 17. ára að ég myndi örugglega missa vegna of hraðs aksturs fyrir 18.ára aldur. Samt sem áður náði ég....mjög vinalegt. Já já ég semsagt ók á 50 eða eitthvað í 30 km hverfi í prófinu he he . Semsagt ég fékk fyrstu hraðasektina mína í gær frekar svekkjandi. 7. árum seinna....er að spá í að hringja í þennan prófdómara og segja he he he. Enn ég var svekkt plús það að það var löggukona sem tók mig með svo mikið meik að það hefði nægt 10 manns og meiri varalit enn amma mín sálug notaði. Jamm það kostar mig einhverja þúsund kalla að hafa verið að drífa mig heim með hita og slen á miðjum vinnudegi.

2006-03-07T11:09:00.000+01:00

Anna í framkvæmdum
Það er orðið fínt hjá stelpunni. Píndi aldraða foreldra mína um helgina. Pabbi var allan tímann að vinna við að skipta um bað og fataskápa hjá stelpunni. Mamma stóð sig líka vel að ég tali nú ekki um í að bera efni upp og niður stigann. Það er sko ekkert grín að búa að 3.hæð þegar staðið er í svona framkvæmdum. Enn ég er rosalega ánægð með þetta allt saman. Reyndar smá eftir.....hmm atriði eins og fúguliturinn sem við þurftum að nota var uppseldur á höfuðborgarsvæðinu. Enn þau sluppu við að þrífa. Ég var búin að gleyma því að ryk getur hlunkað þér alls staðar enn 3 tímum seinna var íbúðin að breytast í íbúð aftur. Ég skelli kannski inn myndum af herlegheitunum við tækifæri. Annars er allt að koma hjá mér þarf bráðum að halda innfluttninspartý : )

Seinna

2006-02-17T16:30:00.000+01:00

Já Anna litla fór í bíó í gær á Walk the line. Vá þetta er ein sú besta mynd sem að ég hef séð lengi. Ég er bara dolfallin. Núna liggur við að ég skammist mín fyrir að hafa ekki skilið allt þetta fár úti í USA þegar að Johnny Cash lést já ég var þar þegar að það skeði og skildi ekki neitt í neinu bara gamall kall með gítar að deyja. Allt í sjónvarpinu snérist um hann ásamt öllum blöðum. Viðurkenni að ég vissi ekkert um manninn. Þessi mynd lýsir lífi hans á skemmtilegan hátt og tónlistin. Ég elska svona músík. Allavega yndisleg mynd sem að ég ráðlegg öllum að sjá. Hún skilur eftir sig og já hún verður sko keypt á DVD á mitt heimili.

Góða helgi.
Anna sem fílar gamla kalla með gítar

2006-02-15T12:11:00.000+01:00

Það er að koma að Food and fun aftur dagana 22-26.febrúar. Vá hvað tíminn er að fljótur að líða. Já þetta er keppnin sem ég elska. Þarna koma fullt að góðum kokkum til að keppa og elda á stöðum borgarinnar. Það verður svo mikið líf hérna. Er að reyna að velja staði. Hægara sagt enn gert mig langar á alla sko. Annars er stelpan bara kát fór á Egó á laugardagskvöldið síðasta. Vá hvað þeir voru góðir. Bubbi er náttúrulega bara kóngurinn, hinn eini sanni. Annars er það að frétta að ég er ekki búin að plana neina utanlandsferð þetta sumarið, né um páskana. Alls ekki nógu gott. Er reyndar að reyna að plata "kærustuna mína" til að koma með mér á interrail.....hmm það kemur allt í ljós : )

Gangið í ljósi enn ekki í fjósi og farið á Food and fun
Anna panna

2006-02-05T20:46:00.000+01:00

Heppin er mitt annað nafn
Leifstöð klukkan er 6:00 að morgni . Ég er svona eiturhress og þarfnast aðstoðar í snyrtivörunum geng að hóp kvenna sem þarna vinna og segi við eina hey má ég fá þig lánaða.....Horft á mig með hneykslunnarsvip NEI enn ég get kannski aðstoðað þig og hinar horfðu á mig eins og ég væri retarted. Ok regla nr 1 ekki rugla í flugvallarstaffi : )
Ég kemst nú um borð í vélina og finn þá að ég er hálfslöpp legg mig bara. Þegar ég lendi í Osló fer ég að finna hraðlestina...er rosa utan við mig kaupi samt mida og reyni að komast í gegn um hliðið og ekkert gengur. Tala við starfsmann ....já og er bent á það kurteislega að það þýði ekkert að borga með kvittuninni. Já ég var ekki vöknuð. Náði samt að komast til borgarinnar og tékka mig á hótel og fara smá í bæinn. Já fann síðan að ég var orðin veik og eyddi rest af deginum að mestu á baðherbergi hótelsins. Sjaldan verið jafnmikið á hótelherbergi í mínum ferðum hehe. Annars er ég bara kát er að batna og sonna orðin hress að mestu. Lífið gengur bara sinn vanagang.

Knús í krús Anna panna.

2006-01-22T21:33:00.000+01:00

Að koma eða fara....
Veit ekkert hvert ég stefni þessa dagana. Skrítið hvernig hlutirnir eru stundum. Annan daginn veit maður hvað maður vill og ætlar enn hinn daginn er maður í lausu lofti. Það eina sem ég veit t.d núna er að ég var á djamminu í gær. Ég veit ekki hvort það er hausverkurinn, þreytan eða hungrið sem segir mér það. Það var allavega svaka stuð. Kata mín hélt reyndar að hún yrði lamin þar sem að Anna var með einhvern kjaft já já að rugla í einhverju liði. Reyndi t.d að láta mennina sem voru á undan okkur á barnum bara fá tvö rör í bjórinn sinn svo að þeir félagar þyrftu þá ekki að panta....Nei nei það virkaði ekki. Enduðum svo á djamminu með afar hressum gæjum úr Grindavík og tveimur hamborgurum síðar vorum við komnar heim.

Þar til næst....

2006-01-16T11:44:00.000+01:00

Samkynhneigðir flykktust í Fríkirkjuna........

Var fyrirsögn í sjónvarpsfréttum Rúv um messu sem haldin var í Fríkirkjunni. Messan var semsagt helguð baráttu samkynhneigðra. Já þarna fór ég fyrr um daginn....alveg straight. Hvað er málið. Er þetta jákvæð frétt hjá þeim. Mér fannst þetta allavega í neikvæðari kantinum. Það voru og eru nefninlega fullt af fólki út í samfélaginu sem styður þeirra réttindabaráttu. Þarna voru t.d svona ca 50/50 samkynhneigðir og gagnkynhneigðir. Ég er komin í hring fannst þetta neikvætt hjá þeim. En messan var yndisleg svolítið öðruvísi andrúmloft sem ég á erfitt með að lýsa. Það að vera t.d lesbía og mega ekki giftast konunni sinni í kirkju frammi fyrir guði og mönnum fékk mig til að fá tár í augun. Hver gaf okkur þessu straight liði rétt til að banna það. Getum við þá ekki á einhvern hátt líka komið í veg fyrir að svona fólk skírist inn í kirkjuna ? ha er ekki hægt að gera líka eitthvert próf við fermingu svo að það sé ekki svona fólk í kirkjunni okkar. Kanski ætti ég að draga mig út úr kirkjulegum athöfnum sjálf til að venja mig við. Skíra barnið mitt ekki í kirkju og ferma það ekki til að þurfa ekki að ganga í gegnum vonbrigðin ef barnið skildi koma út úr skápnum. Þá slyppi ég við að segja kannski um 20.ára aldur við það Guð elskaði þig eins og þú varst .....ekki eins og þú ert.

Bara mínar mánudagspælingar
Anna panna

2006-01-08T23:57:00.000+01:00

Voru þetta jól ?
Jólin eru búin. Hvert fóru þau eiginlega. Man varla eftir öðrum eins jólum. Ég var reyndar í fríi milli jóla og nýjárs og var á Akureyri. Enn það skipti í raun engu máli. Því allir aðrir voru að vinna. Er búin að skrá mig í áframhaldandi nám við VMA svo nú þarf ég að fara að bretta um ermarnar. Átti annars fína helgi. Var að átta mig á því að ég það er ekki tekið út með sældinni að eiga Golf bifreið kræst. Læsingarvandamál dauðans. Stelpan ætlaði já til Ingu sinnar. Í fyrsta lagi nennti hún ekki út því að það var vont veður og eitthvað og mín þurfti að skafa. Enn já fór út opnaði Golf settist í bílstjórasætið og startaði bílnum ætlaði út að skafa....nei þá komst ég ekki út úr bílnum. Ok ekkert væl ætlaði þá bara út farþegamegin...enn nei komst ekki þar heldur. Klifraði aftur í og komst út til að skafa. Vá hvað ég var pirruð langaði mest inn og undir sæng.
Enn harkaði að mér og var meira að segja svo dugleg að kíkja á djammið eða á ég að segja kjötmarkaðinn ? Fór sko á Victor smá ojjbara þarna voru bara gamlir kallar að mæna yfir salinn í leit að drætti ég meina konu....: )

Elska ykkur öll
Anna panna
hefur ekki sagt sitt síðasta

2006-01-06T11:16:00.000+01:00

Allur pakkinn......

-Vaknaði blótaði því að þurfa að fara á fætur
-Mætti til vinnu borðaði hrökkbrauð og vatn
-Var í tilfinningalegu uppnámi og skilaði öllu
-Fór heim....lagði mig
-Reif mig upp úr aumingjaskapnum og fór að leita láns hjá íslenskum fjármálastofnunum
-Sé fram á að fá lán sem að ekki er á okurvöxtum
-Fór í æðislega afmælisveislu til góðs vinar hló mikið, sá um uppvaskið ótilneydd og fór í kappát.
-Knúsaði Gulla, sofnaði glöð og ánægð með orkustein í hendi.

Ja ef allur tilfinningaskalinn var ekki tekinn......þá læt ég það nú alveg vera.

2006-01-02T16:08:00.001+01:00

Nú árið er liðið.....

Alltaf er það jafn skrítið að einu ári í viðbót sé lokið. Maður lítur til baka og sér svo margt sem að gert hefur verið. Ekki er ég stolt af því öllu enn lifir maður ekki til að verða betri manneskja og breyta betur næst. Ég lít þakklát til baka til allra góðu stundanna með vinum og fjölskyldu. Hvað allir hafa verið mér góðir núna undanfarið þegar mér finnast hlutirnir óstjórnlega erfiðir. Það er hrikalega erfitt að velja erfiðu leiðina. Því að ég held að maður sé aldrei 100% sáttur með þá leið, allavega ekki þá stundina. Síðan verður maður bara að horfa fram á við og brosa. Er ekki búin að strengja neitt áramótaheit enn ég er viss um að það kemur. Það er alltaf eitthvað sem maður getur gert þó að það snúist ekki um kólógrömm og fleiri ferðir í ræktina. Það getur verið það að vera duglegri að heimsækja vini, segja þeim sem manni þykir vænt um að manni þyki vænt um þá osfrv...
Jæja nóg af bullinu mínu í bili. Gleðilegt nýtt ár

2005-12-23T10:07:00.000+01:00

Það eru að koma jól styttist hratt, varla lengist það ha : ). Hlakka til að fara til Akureyrar þá koma jólin fyrst í hjarta mitt. Óska þess að allir sem þetta lesa muni eiga gleðileg og innihaldsrík jól.

2005-12-20T17:08:00.000+01:00

Nóttin var sú ágæt ein....á hvað minnir það þig ?
Það hljóta barasta að vera að koma jól fyrst að Kiss fm er farið að spila Nóttin var sú ágæt ein það pollrólega jólalag og fleira breytist líka. Íslendingar eru ókurteisari sem aldrei fyrr það brosir nánast engin þegar ég hleyp inn í búð syngjandi og óska fólki gleðilegrar hátíðar. Finnst þetta ansi sorglegt. Um hvað snúast jólin orðið ég segi nú bara eins og vinkona mín í The Grinch ....Where are you Christmas, Why can't I find you Why have you gone away, Where is the laughter You used to bring me, Why can't I hear music Play My world is changing, I'm rearranging, Does that mean Christmas changes too ....
Þið sem hafið ekki séð þessa yndislegu mynd þá vinsamlegast leigið hana. Hún er bara sæt. Ekki það að það var ekkert svo hjartnæmt þegar ég sá hana fyrst fór með kokkum og þjónum sem já gátu hangið þurr eina mynd. Ekki frásögu færandi nema að það brotnaði bíósæti hjá okkur, það vildi ekki fara niður svo það var bara hlammað sér hressilega og það pompaði niður og við hlógum að því allan tímann. Vá við hlógum svo mikið að tár láku niður kinnar og það var klappað sérstaklega fyrir okkur í lok myndar.........já þetta er svona dæmi þú hefðir þurft að vera þarna.

Jólaknús Anna Vala

2005-12-16T12:11:00.000+01:00

Þori varla að blogga lengur sko.....

Heyrði því fleygt frá ungri konu að ég bloggaði bara um drykkjuskap og utanlandsferðir. Jaa svo áttaði ég mig á því að það er eiginlega satt og því hef ég ekkert að segja. Ef að þetta hefði ekki komið upp hefði ég getað sagt ykkur frá því þegar ég fór á Kringlukránna um síðustu helgi með gamla fólkinu og dansaði við Sixties. Ég hefði getað sagt ykkur frá saumaklúbb og jólaglöggi eða þegar ég fékk mér of mikinn bjór með nágrannanum. Enn af þessu verður ekki því að eftirleiðis mun ég bara blogga um stjórnmálaskoðannir mínar og verkalýðsmál. Hvað ríkisstjórnin á að gera og hvað ekki. Annars er ég búin að ná 3 prófum af 5 bíð bara spennt.

p.s Er að fara í jólaglögg eftir vinnu ÓÁFENGT.

Anna panna

2005-12-09T15:39:00.000+01:00

Jólastress mess less
Það er greinilega að komast jólastress í mannskapinn.....fólk bloggar ekki einu sinni ha ARGS og hvað á ég þá að skoða á kvöldin ha ? Jæja allavega er ég ekki stressuð nema fyrir prófin mín sem eru búin. Hélt upp á það með því að drekka Cosmopolitan með Múttu sem er komin alla leið frá Akureyri til að komast í búðir. Og svona talandi um að fá sér í tánna þá skellti ég mér á jólaglögg hjá Símanum. Ég hafði nefninlega heyrt því fleygt að þar vantaði fólk til að drekka bjór, helling af skotum, dansa hóký póký og vera síðast heim af djamminu. Já maður verður að verða við slíkri bón eftir allt sem Síminn hefur gert fyrir mig já já.
Það sem að ég á eftir að gera heima fyrir jólin.......
ÞRÍFA
BAKA
ÞVO GLUGGA
HENGJA UPP SERÍUR
OFL OFL OFL.....

Enn það skiptir ekki máli ætla bara á hótel mömmu veit að þar bíður mín toppþjónusta stóra systir nuddar á mér tærnar, litla systir færir mér morgunmat í rúmið, pabbi færir mér smákökur, mamma eldar og litlu krúttin hennar Guðbjargar sjá til þess að maður sofi ekki OF MIKIÐ.

2005-12-01T11:51:00.000+01:00

Skyld það vera jólahjól....Nei nei ekki um jólin nei nei la la la la
Anna þessi sem að syngur hástöfum jólalög á ljósum. Veit ekki hvað fólk heldur um mig enn hvað með það, það eru að koma jól og maður má vera glaður og ánægður. Ég bakaði meir að segja tvær sortir í gær ha geri aðrir betur. Allir velkomnir í heimsókn að úða í sig kökum.
Ljónið í dag....á þetta við mig ?
Að taka framförum smátt og smátt er mun dýrmætara en að hlaupa maraþon annað veifið. Íhygli og sjálfsumhyggja ættu ekki að vera sjaldgæfur munaður. Hvernig væri ljónið ef svo væri ekki.

Er að byrja í prófum á morgun býst við að það gangi vel miðað við hvernig önnin hefur gengið utan við sálfræðina. Þessar frumu- og fylgibreytur og eitthvað svona skil það bara engan veginn. Enn allavega það er bara næsta vika og síðan kærkomið jólafrí.

p.s ætli ég fái eitthvað gott í skóinn frá jólasveininum ef að ég næ prófunum ?

2005-11-28T10:43:00.000+01:00

Ljublina....done that
Á einhver rauðvín eða hvítvín.....tilbúin að hlaupa með það til mín hingað á Stórhöfðann. Ha fá í leiðinni að hlusta á nokkur jólalög. Það er bara fáránlegt að ætla að hætta bara að drekka á sunnudegi og mæta galvösk til vinnu á mánudegi. Ekki það að ég sé eitthvað galvösk. Þarf tannstöngla til að halda augnlokunum opnum. Já það tekur sko á að fara til útlanda : ) Slóvenía hefur nú bæst í ferðasafnið mitt. Það var mjög spes verð ég að segja. Við vorum á hóteli þar sem stendur yfir stækkun.....vaknaði því við bor kl:08:15 (mjög óþægilegt eftir fyllerí), það hefur aldrei byrjað að snjóa jafnsnemma og jafnmikið þarna hahah voru þvílíkir ruðningar. Var líka þvílíkt blaut í fæturna. Áttum að fara í skoðunnarferð á Sunnudeginum enn hún var felld niður vegna snjóa. Vá ég er svo heppin svo raunin er í sú að í Slóveníu sá ég hluta af mollinnu þeirra nota bene það er í 19 byggingum og ég ekki á stígvélum til að fara á milli, ég drakk mikið af áfengi, borðaði fullt og hreyfði mig lítið....Annars fín ferð og setningu ferðarinnar átti maki eins (þau voru í herbergi með 3 rúmum)"Ég gisti í þriðja rúminu ef að einhver vill hana....mína " heheh

2005-11-21T11:49:00.000+01:00

Mánudagur til mæðu...
Mánudagur dauðans....stelpan dauðþreytt og undin eftir helgina. Langar bara heim að horfa á DVD. Þrír dagar í ferð mína til Ljubliana í Slóveníu. Þar er víst bara kalt og snjókoma enn bjór svo að þetta ætti að reddast. Var á Ísafirði um helgina, ég verð að taka ofan fyrir fólki sem að getur búið þarna. Reyndar er ísó kanski í lagi enn Suðureyri, Flateyri og Súðavík. Þarna gæti ég aldrei búið. Það er sko á hreinu. Eldgömul slitin hús og ekkert um að vera. Fór m.a á ball með hljómsveitinni Húsið á sléttunni og dansaði við útibússtjórann á staðnum. Alls staðar hægt að hafa gaman.....enn ekki myndi ég búa þarna.

yfir og út

2005-11-11T12:15:00.000+01:00

Helgin að koma .....

Yndisleg tilhugsun að slappa aðeins af. Nota bene það er búið að vera svo crazy að stelpan hefur ekki einu sinni náð að horfa á Tyru Banks.
Fór í saumaklúbb í gær til hennar Siggu minnar. Erum við ekki að grínast ostafondue nammi nammi namm og súkkulaðibúðingur slef. Hún er snillingur í að láta mann sukka hehehhe lét mig ha neyddi þetta ofan í mig meðan að ég ÆPTI ég vildi bara gulrót. Svona ræður maður ekki við hópþrýstingin. Enn nú hefst mitt árlega blogg um fólk og vetrardekk og brekkur. Í dag var hálka og fólk fast í 90° hallanum fyrir utan blokkina hjá mér á sumardekkjunum. Kræst örugglega sama fólkið og var fast þarna í fyrra. Halda þau að það komi ekki klaki þetta árið. Jæja nóg um það. Að verða komin miður nóvember og ég ekki búin að finna seríur og ekki búin að föndra jólakrans sem að Siggu minni fannst fínt að gera bara núna ha 3 vikum fyrir aðventa. Já eins og ég segi gellan er alger snillingur. Já svo nýjasta nýtt Jón að hætta hjá Ingvari Helgasyni og að verða slökkviliðsmaður ha ímyndið ykkur búningana sem að hann á eftir að koma með heim heheheh. Segi svona ha slökkviliðs-og sjúkraflutningabúningur. Vona bara að ég lendi ekki í vandræðum eins og Samantha vinkona mín í Sex and the city þegar að hún var að date-a slökkvuliðsmann. Segi ekki meir þið verðið bara að sjá þáttinn.

Góða helgi alla sammens goodbye
Anna slökkviliðsfrú

2005-11-08T09:40:00.000+01:00

I am Spinning
Fann smá aukaorku til að blogga veit samt ekki alveg hvar. Fór 2x í ræktina í gær Body Pump 06:30 og Spinning kl:18:00. Vá hvað ég var þreytt maður er klikkaður ég segi nú ekki annað. Hætta þessu rugli bara og leggjast í sukk. Eða detta gjörsamlega ofan í sukkið eins og ég gerði um síðustu helgi. Já það var sko gaman um helgini. Hið langþráða reunion hjá Grand Hótel genginu var á föstudaginn. Það var bara geggjað mikið drukkið og hlegið og sumir að káfa meira á öðrum enn hinir já já. Myndi setja inn myndir hér ef einhverjar af þeim væru hæfar til birtingar: )
Annars er bara búið að vera bilað að gera hjá mér. Ha maður er farin að missa úr sjónvarpslið heheh. Enn ég ætti nú að ná einhverju með nýja Skjár einn plús. Það er bara helber snilld að geta horft á klukkutíma seinna. Allir að fá sér sjónvarp yfir ADSL.

Later
Anna plús

2005-11-02T10:19:00.000+01:00

Kitli kitl
Ég var semsagt "kitluð" af henni Rósu....hélt að hún vissi að ég er með ofnæmi fyrir svona. Enn læt það flakka
Sjö hlutir sem ég ætla að gera áður en ég dey
1. Verða stúdent
2. Fara í háskóla
3. Búa erlendis
4. Eignast barn og ofdekra það : )
5. Fara til Indlands, Taílands og Egyptalands
6. Fara á tónleika með U2
7. Taka við innlit útlit heimsækja gamalt fólk og segja þeim hvað allt er smart og lekkert.
Sjö hlutir sem ég get gert
1. Eldað mat
2. Horft á sjónvarpið
3. Tala án þess að hugsa
4. Bjargað mér í útlöndum
5. Pantað flugfar á netinu
6. Drukkið flesta vini mína undir borðið
7. Tengt tölvur og sjónvörp....þessi karlmannsverk
Sjö hlutir sem ég get ekki...
1. Skipt um dekk á bíl....til hvers að læra það ég á bifvélavirkja
2. Gert armbeygjur
3. Mætt of seint
4. Logið kann það ekki
5. Verið grænmetisæta
6. Prófað dóp...myndi aldrei þora
7. Horft á drasl heima hjá mér og sleppt því að taka til
Sjö hlutir sem heilla við hitt kynið..
1. Rassinn
2. Augun
3. Húmorinn
4. Sjálfstæði
5. Einlægni
6. Að hann þori að vera hann sjálfur
7. Að hann sé með góð laun hehehhehe

2005-10-25T11:13:00.000+02:00

Kvennafrídagur að baki.....hvar verð ég eftir 30.ár
Búin að berjast fyrir launajafnrétti og mætt aftur til vinnu. Vá hvað það var gaman að vera niðri í bæ með 50.þúsund öðrum kerlingum. Það voru ekkert smá margir að tala um hvar varst þú fyrir 30.árum.....og ég svona humm ég var -7 ára. Jamm mig hlakkar til eftir 30.ár þá verð ég þessi kerling sem að spyr aðrar hvar voru þið.
Án þess að vilja vera með einhvern hroka þá finnst mér þssi texti snilld

Já, kvenmannslaus í kulda og trekki kúrir saga vor konurnar eru þar allavega ekki þó ekki dræpust þær allar úr hor. Fræðingarnir sleppa þeim stundum
Og starf þeirra er ekkert til að fást um.
Hvar voru allar íslenzkar konur? Einhverjar hafa verið hér því karlmaðurinn er konusonur hann kemur undan henni og sér.
Ég spyr Hver var að raka hver var að spinna kemba og tæja og kúnum að sinna? spyr því það vantar alveg vitneskju um það. Í fjósum voru kýr og kálfar mjólkuðu kýrnar sig kannski sjálfar? Eða gerðu karlmenn það rétt eins og allt annað?

Ekki það að jafnrétti virðist nú alveg vera á leið í rétta átt þó að konur séu ekki enn með sömu laun fyrir sömu störf svo og þessi lágu laun í þeim hefðbundnu kvennastörfum sem að eru mest umönnunnarstörf fyrir 80-100 þúsund á mánuði. Algert hneyksli. Þið sem að eigið börn ekki ala þau upp í því að konur verði hjúkkur og karlmenn læknar. Plllííízzzz reynum að gera hugarfarsbreytingu. Þetta byrjar allt á þessum punkti inni á heimilinu.

Anna kvennréttindakerling kveður að sinni.........

2005-10-18T16:01:00.000+02:00

Vá er eitthvað svo tóm þessa dagana. Tíminn bara líður og líður. Bilað að gera í skólanum. Ekkert nýtt þar. Finnst stundum eins og ég sé sofandi. Veit ekki í hvað allur þessi tími hefur farið. Hlakka til þegar að það koma jól og rómantískur snjór og ég verð búin í prófum. Þurfti að fara á Þjóðarbókhlöðuna í gær....jamm ég rataði ekki einu sinni á rétta hæð til að leigja bækur. Leið eins og asna, já já einhver verður að taka það hlutverk að sér.
Plús dagsins er hitinn úti. Þurfti ekki að fara í snjógalla er í pilsi.

Anna eitthvað ekki með sjálfri sér í dag.

2005-10-12T12:02:00.000+02:00

Snilldarhelgi að baki. Heitur, pottur, áfengi, singstar og góðar vinkonur. Hvað þarf meira. Kanski smá að borða: ) Núna er það sko bara hversdagsleikinn. Læra og vinna og fara í ræktina. Fór í gær. Gerði nottla of mikið því að ég var með svo mikinn mórall að hafa ekkert verið að mæta. Maður kann þetta já já svaf síðan yfir mig í vinnunna og er með strengi. Eitt að lokum hverjum datt í hug að setja það inn í námsskrá enskunnar að læra enska málshætti ojjjbara.

later Anna panna

2005-10-06T10:59:00.000+02:00

Komin heim frá Dalarna.(myndin hér til hliðar sýnir skólann minn í miðjum skógi). Þessi ferð var alger snilld. Ég lærði sko sænsku, hélt að það væri ekki svona skemmtilegt. Miklu skemmtilegra enn hel....danskan. Vorum á yndislegum stað í Svíþjóð Brunnsvik ca 2 og 1/2 tíma frá Arlanda flugvelli. Það er bara fallegt þarna. Svo gátum við hjólað til Ludvika sem að er 19.000 manna bær. Þarna var einnig hægt að fara á bát og kanó. Ég endaði síðan ferðina í Stokkhólmi yfir helgina. Var búin að panta mér hótel sem að ég vissi ekki alveg hvar var....enn átti að vera í miðbænum. Ég tók hraðlestina frá flugvellinum og þegar á stöðina kom sagði ég við félaga minn ég ætla ekki að taka taxa strax heldur labba hérna um og átta mig á hvar ég er....Ég komst ekki nema svona 20 skref þegar að hótelið blasti við. hehehhe hefði átt að taka taxa það hefði sko verið lúðinn ég. Síðan var sko verslað í H&M...nú á ég loksins einhver föt : ) Enn núna tekur við grár hversdagsleikinn..allavega eftir helgina, vinna vinna vinna og læra. Bilað að gera í fjarnáminu. Það er búið að setja fyrir einhverjar ritgerðir og eitthvað....bla bla.

p.s eru þið að velta fyrir ykkur myndinni af þessum kalli....hann kenndi mér sænska söngva. Einn sá flottasti í bransanum.

2005-10-03T14:30:00.000+02:00

klukk..... klukk.... klukk
1. Ég er matargat ég elska að borða. Skil ekki fólk sem að getur sleppt úr máltíð. Eitt er víst að það gæti ég ekki. Og er samt bara 30 kg með skólatösku.

2. Ég er í æðislegri vinnu. Er reyndar hálfgift henni núna. Því að það er bilað að gera.

3. Ég er ferðasjúk. Ég er varla lent í Keflavík fyrr enn að ég er farin að plana næstu för.

4. Mér þykir ofsalega vænt um heimilið mitt. Gaman að taka til...þegar það er laus tími og þá helst á nóttunni hehehe. Ekki vinsælt hjá grönnunum að ryksuga klukkan 23:00 eða seinna : ) Einnig finnst mér mikilvægt að hafa alltaf kvöldmat. Er hálfáttræð í þessu.

5. Ég er vinur vina minna þó að ég geti verið alger skellibjalla. Vinir mínir skipta mig miklu máli.

Ætla ekki að klukka neinn þar sem að flestir ef ekki allir séu búnir að taka þátt í þessu....

Knus och kram Anna

2005-09-20T22:32:00.000+02:00

Anna talar frá Dalarna.....
Jag heter Anna Vala jag talar lite svenska...
Já svo mörg voru þau orð. Kom til Dalarna í gær til að vera í sænskukennslu. Voða skrítið að vera allt í einu í heimavist og mat og kaffi í einhverju mötuneyti lengst inni í landi í Svíþjóð. Enn hér er yndislegt. Í gær þegar við mættum var 20 gráðu hiti og sól. Það er kennsla frá 8:30- 17:00. Enn fljótt að líða reyndar pásur og sonna enn bara gaman. Yndislegur kennari sem fær mann til að halda að maður geti lært þetta mál heheh. Skildi reyndar ekkert í dag það var verið að tala um Jutteborg....sem að væri önnur stærsta borgin í Svíþjóð. Skildi ekki hvernig ég vissi ekki hvaða borg þetta væri...já já Gautaborg. Ég er asni. Bað einnig um hjól og konan ætlaði að redda mér klaka(á smá í land með framburðinn). Í dag lagði ég það á mig að hjóla eina 20 km eftir ...... Já maður leggur ýmislegt á sig : )

Þangað til síðar Jutte bra og allt það
Anna sænska

2005-09-12T11:59:00.000+02:00

4% búin 96% af heimnum eftir......verð nú ekki lengi að því Slóvenía og Svíþjóð fyrir jól hhehhehehe

2005-09-09T14:49:00.000+02:00

Bý ég út í sveit eða....Ég er að keyra já bruuuum bruumm á löglegum hraða á sæbrautinni.....uuuu%&!""!" snarhemlaði því gæsirnar voru þar. Það eru gæsir út um allt. Á þessari stundu hvarlaði að mér að leggja út í kanti. Snúa hana úr hálsliðnum. Reyta hana kaupa mér logssuðu græjur og hafa hana í kvöldmatinn. Halló þetta eyðir nottla dekkjunum að þurfa að stoppa svona snöggt. Sá meir að segja eina sem að var bara eins og mynd í malbikin. Einhver ekki á löglegum hraða eins og ÉG löhlyðin.is.
Ég hefði hinsvegar bilast ef þessar beljur hefðu orðið á vegi mínum.

Muuuuuu góða helgi

p.s Afhverju bað Dabbi mig ekki um að vera fjármálaráðherra. Maður fer sko bara að taka þessu persónulega.

2005-09-07T12:28:00.000+02:00

Nóg að gera ekki hægt að kvarta yfir því. Að byrja í fjarnámi er bara gaman....þegar maður skilur þetta WebCT....já Jón ég blótaði því enn það er bara af því að mig vantaði leiðbeiningar. Heheh.....já er í ensku, sögu, félagsfræði, íslensku og sálfræði. 13.einingar...kanski soldið mikið með vinnu. Enn þetta er ég með yfirleitt of mikið að gera. Svo er það ræktin og Jón og saumó og Svíþjóð og Emil í Kattholti...ætli hann hafi tíma til að hitta mig í Svíþjó Eeeemil. Enn já sálfræði hélt að ég væri nú einhverju rosa auðveldu fyrsti áfangi. Enn nei fyrsta verkefnið er meir að segja flókið, ætla herða mig og læra það í kvöld....fyrir 20:00. Ekkert eftir 20...því á hefst Americans next top model. Hver má missa af því, kellingar að rífast..skrítið að þessi þáttur sé ekki vinsælli hjá köllum....Anyway
Goodbye

2005-09-01T13:01:00.000+02:00

Hótel.....Stokkhólmur

Veit einhver um gott hótel í Stokkhólmi....ekki á uppsprengdu verði. Þarf að vera nálægt miðbænum. Get ekki borið pokana úr H & m langt. Verð í tvær nætur í lok sept...einnig verður að vera góður morgunmatur heheh. Öll comment vel þegin því ég veit ekki rass um Stokkhólm.